भाजप खासदार उन्मेश पाटील बुधवारी ठाकरे गटात

लोकसभा निवडणुकीच्या तोंडावर राज्याचे माजी मुख्यमंत्री आणि वरिष्ठ काँग्रेस नेते अशोक चव्हाण, माजी खासदार मिलिंद देवरा, माजी आमदार बाबा सिद्दिकी यांच्यासह अनेक नेत्यांनी काँग्रेसला सोडचिठ्ठी देऊन महायुतीत प्रवेश केला; पण आता उलटा प्रवाहही सुरू झाला आहे. आ. निलेश लंके यांच्या पाठोपाठ महायुतीचा आणखी एक मोठा नेता उद्या बाहेर पडणार आहे. भाजपने जळगावचे विद्यमान खासदार उन्मेश पाटील यांचे तिकिट कापून त्यांच्याऐवजी स्मिता वाघ यांना लोकसभेच्या रिंगणात उतरवले आहे. आपल्याला उमेदवारी नाकारल्याने पाटील पक्षाच्या नेत्यांवर नाराज होते. त्यामुळे पाटील यांनी उद्धव ठाकरे यांच्या शिवसेनेत जाण्याचा निर्णय घेतला.

Edited by -Ratnadeep Ranshoor