संध्याकाळपर्यंत दोघांनाही पुण्यात आणलं जाईल आणि त्यानंतर त्यांना कोर्टात हजर करण्यात येणार असल्याची माहिती पोलीस उपायुक्त पंकज डहाने यांनी दिलीय. शुक्रवारी आर्थिक गुन्हे शाखा पुणे यांची चार पथकं डीएसकेंना अटक कऱण्यासाठी रवाना झाली होती. डीएसकेंविरोधात आतापर्यंत आर्थिक गुन्हे शाखेकडे 4 हजार तक्रारी अर्ज आले आहेत. या प्रकरणांमध्ये आतापर्यंत एकूण 284 कोटी 20 लाख 16 हजार 580 रुपयांची फसवणूक झाल्याचे समोर आलंय. तर पुणे पोलिसांकडे डीएसके यांनी कर्ज म्हणून वैयक्तिक घेतलेल्या रकमांसदर्भातही तक्रारी आल्या आहेत.