शालिमार एक्स्प्रेसमध्ये जिलेटीनच्या कांड्या सापडल्या

शालिमार येथून लोकमान्य टिळक टर्मिनसला (एलटीटी) येणारी शालिमार एक्स्प्रेस बुधवारी सकाळी एलटीटी स्थानकात पोहोचली. यानंतर एक्स्प्रेस साफसफाईसाठी यार्डात नेण्यात आली. डब्यांमधील साफसफाईचे काम सुरु असताना कर्मचाऱ्यांना एका बॅगेत जिलेटिनच्या पाच कांड्या सापडल्या. कर्मचाऱ्यांनी या घटनेची माहिती पोलिसांना दिली. पोलिसांनी तत्काळ घटनास्थळी घेत जिलेटिनच्या कांड्या जप्त केल्या. दुसरीकडे बॉम्बशोधक पथकही घटनास्थळी पोहोचले.