ठाण्यात प्रेम हरले; प्रेयसीने प्रियकराची निर्घृण हत्या केली,मृतदेह पाण्यात कुजण्यासाठी सोडून दिला

मिळालेल्या माहितीनुसार ठाण्यात एक धक्कादायक घटना उघडकीस आली आहे. एका सोसायटीच्या बाथरूममध्ये एक मृतदेह आढळून आला. गेल्या दोन-तीन दिवसांपासून एका बंद घरातून दुर्गंधी येत होती शेजाऱ्यांनी तात्काळ मानपाडा पोलिसांना याची माहिती दिली. पोलिसांनी घरात प्रवेश केला. तेव्हा त्यांना एक संशयास्पद पोते आढळले. पोते उघडले, तेव्हा त्यांना आत एका पुरुषाचा कुजलेला मृतदेह आढळला.

तसेच पोलिसांना धक्कादायक माहिती मिळाली. आरोपी महिलेने आपल्या प्रियकराची हत्या करून मृतदेह पोत्यात कोंबला होता. मृतदेहाची विल्हेवाट लावण्यासाठी तिने बाथरूमचा नळ उघडा ठेवला होता. दररोज, जेव्हा सोसायटीचा पाणीपुरवठा सोडला जायचा, तेव्हा ते पाणी थेट पोत्यावर पडायचे, ज्यामुळे मृतदेह भिजून लवकर कुजेल. हत्येनंतर आरोपी महिला पळून गेली. मात्र, पळून गेल्यानंतर तिने घरमालकाला  व्हॉइस मेल पाठवला. या व्हॉइस मेलमध्ये तिने म्हटले होते, "बाथरूमचा नळ चालू आहे आणि तिथे एक मृतदेह पडलेला आहे." हा व्हॉइस मेल ऐकून घरमालकाने तात्काळ पोलिसांशी संपर्क साधला. मानपाडा पोलीस घटनास्थळी दाखल झाले, त्यांनी मृतदेह वैद्यकीय तपासणीसाठी पाठवला, गुन्हा दाखल केला आणि पुढील तपास सुरू केला. 

Edited By- Dhanashri Naik