कोल्हापूरमध्ये अवैध गर्भपात रॅकेटचा पर्दाफाश

कोल्हापूर जिल्हा शल्यचिकित्सक कार्यालय आणि अंनिसनच्या वतीने स्टिंग ऑपरेशन करण्यात आलं तेव्हा ही धक्कादयाक घटना उघडकीस आली आहे. उमेश पोवार, हर्षल नाईक असे या प्रकरणातील आरोपींची नावे आहेत. यात घटनास्थळावर गर्भपातासाठी लागणाऱ्या औषधांचा मोठा साठा सापडला असून संबंधित आरोपींकडे गर्भपातासाठी महाराष्ट्र आणि गोव्याच्या विविध भागातून अनेक रुग्ण आल्याचे देखील समजते.

या प्रकरणात गर्भलिंग निदान करणाऱ्या अनेक डॉक्टरांची नावही उघडकीस आली असून या प्रकरणी पन्हाळा पोलीस ठाण्यात गुन्हा दाखल करण्यात आला आहे. पोलिसांचा तपास सुरू आहे.

पडळमध्ये गेल्या अनेक दिवसांपासून अवैध पद्धतीने गर्भपात सुरू असल्याची माहिती मिळत होती. तेव्हा कोल्हापूर जिल्हा शल्यचिकित्सक कार्यालय आणि अंनिसनच्या वतीने स्टिंग ऑपरेशन करण्यात आले त्यातून हा धक्कादायक प्रकार समोर आला.