राष्ट्रवादी युवक काँग्रेसची पहिली कार्यकारणी जाहीर

यावेळी उपस्थित पत्रकारांना माहिती देताना प्रदेशाध्यक्ष सुनील तटकरे म्हणाले की, विधीमंडळ पक्षनेते अजित पवार यांच्या २२ जुलै या वाढदिवसानिमित्त राष्ट्रवादी युवक काँग्रेसने "गाव तिथे राष्ट्रवादी शाखा" हे अभियान चालू केले होते. आदरणीय शरद पवार यांच्या १२ डिसेंबर या वाढदिवसापर्यंत राज्यभरात ५ हजार शाखा उघडल्या जाणार असल्याची माहिती त्यांनी दिली. राष्ट्रवादी काँग्रेस पार्टी येत्या काळात युवक संघटनेवर अधिक लक्ष देणार असून युवकांचे संघटन मजबूत करेल असेही ते म्हणाले.

यावेळी पक्षाचे मुख्य प्रवक्ते नवाब मलिक, उपाध्यक्ष प्रमोद हिंदूराव,राष्ट्रवादी युवक काँग्रेसचे प्रदेशाध्यक्ष संग्राम कोते पाटील आणि डॉक्टर सेलचे राज्यप्रमुख डॉ. नरेंद्र काळे उपस्थित होते.