पुणे-मुंबई द्रुतगती महामार्ग राहणार बंद, एपीएमसी मार्केट दोन दिवस राहणार बंद

मुंबईच्या दिशेने निघालेल्या मनोज जरांगे पाटील यांच्या मोर्चामध्ये लाखो मराठा आंदोलक सहभागी झालेले आहेत. हा मोर्चा आता पुण्यात दाखल झाला आहे. तर उद्या गुरुवारी हा मोर्चा पुण्याहून निघून मुंबईत येणार आहे. ज्यासाठी उद्या पुण्याहून मुंबईच्या दिशेने येणारी वाहतूक बंद ठेवण्याचा निर्णय घेण्यात आला आहे. गुरुवारी सकाळी लोणावळा येथून मुंबई-पुणे द्रुतगती महामार्गावरून पुढे वाशीला जाणार आहे. त्यामुळे मुंबई-पुणे वाहिनीवरील साखळी क्रमांक किमी 54/400, पुणे-मुंबई वाहिनीवर साखळी क्रमांक किमी 53/000,किमी 50/000, किमी 48/00, खंडाळा उतारावर किमी 46/200 खंडाळा बोगदा येथील दुभाजक कट लोखंडी वा सिमेंटचे बॅरीगेट्स लावून तात्पुरते बंद करण्यात येणार असल्याची माहिती देण्यात आली आहे.