शरद पवार, राज ठाकरे यांचा विमानातून एकत्र प्रवास, राजकीय चर्चेला उधाण

मनसेप्रमुख राज ठाकरे गेल्या काही दिवसांपासून विदर्भ दौऱ्यावर होते. हा दौरा आटोपल्यानंतर आज राज ठाकरे औरंगाबाद येथे आले होते. तेथे ते संध्याकाळी मुंबईकडे रवाना झाले. विशेष म्‍हणजे याच विमानातून शरद पवार प्रवास करत होते. शरद पवार आणि राज ठाकरे हे एकाच विमनातून प्रवास करत असल्याने त्यांच्यात नेमकी काय चर्चा झाली यावर राजकीय वर्तुळात चर्चा रंगत आहे. याआधी राज ठाकरे यांनी शरद पवार यांची मुलाखत घेतल्‍यापासून या दोघांची जवळीक वाढल्‍याचे बोलले जात आहे.