राज्याचा अर्थसंकल्प ६ मार्चला

दरम्यान, १८ दिवस चालणाऱ्या या अधिवेशनात ६ मार्च रोजी ११ वाजता राज्याचा अर्थसंकल्प दोन्ही सभागृहात मांडण्यात येणार असून, राज्यातील महिलांवरील वाढत्या अत्याचाराच्या पार्श्वभूमीवर ५ मार्चला महिला सुरक्षा कायद्यावर विशेष चर्चा करण्यात येणार आहे. या चर्चेदरम्यान संबंधित प्रकरणात आरोपींना त्वरीत शिक्षा करण्याबरोबरच आंध्रप्रदेश राज्याच्या धर्तीवर राज्यात कायदा करण्यासंदर्भात चर्चा होण्याची शक्यता आहे. तर, दुसरीकडे २६ फेब्रुवारीला स्वातंत्र्यवीर सावरकर यांचा गौरव करण्याचा ठराव मांडण्यात यावा अशी मागणी भाजपने केली आहे.