फेस योगा: ग्लोइंग आणि यंग लुकसाठी योग

फेस योगा म्हणेज काय 

वृद्धत्वाचा परिणाम चेहऱ्यावर दिसून येतो. चेहऱ्यावर वाढत्या वयाचा प्रभाव लपवण्यासाठी महिला आणि पुरुष काय करत नाहीत, आम्ही तुम्हाला सांगतो की योगामुळे त्वचा चमकदार आणि तरुण देखील होऊ शकते. फेस योगा केल्याने चेहऱ्यावर घट्टपणा येतो तसेच स्नायू शिथिल राहतात. ज्यामुळे चेहऱ्यावर चमक येते आणि वृद्धत्वाचा प्रभाव कमी दिसतो.

चेहऱ्यावर योगा करण्याचे फायदे 

30 वर्षांनंतर चेहऱ्यावर सुरकुत्या दिसू लागतात. सुरकुत्या दिसल्यामुळे चेहऱ्याचे सौंदर्य कमी होते. सुरकुत्या कमी करण्यासाठी लोक वेदनादायक सौंदर्य उपचार घेतात. अशा परिस्थितीत फेस योगा हा सर्वोत्तम पर्याय आहे. चेहऱ्यावरील योगा केल्याने चेहऱ्यावरील सुरकुत्या कमी करता येतात. फेस योगा केल्याने चेहरा तरुण राहतो. ज्या महिलांना डबल चिनची समस्या आहे त्यांच्यासाठी योग सर्वोत्तम आहे.

ब्लोइंग एअर 

हा योग करण्यासाठी, सर्वप्रथम, तुमची पाठ सरळ आरामात बसा. यानंतर तुमच्या तोंडात हवा भरा आणि डोके वर करत वर पाहून हळू हळू तोंडातून भरलेली हवा सोडा. हा योग करताना, सामान्यपणे श्वास घ्या. हा योग 10 सेकंदांसाठी करा. हा योग 5 वेळा करा. 

ब्लोइंग एअरचे फायदे 

हा योग तुमच्या चेहऱ्यासाठी आणि मानेसाठी खूप फायदेशीर आहे. ज्या महिलांना डबल चिन म्हणजे भरलेली हनुवटीची समस्या आहे त्यांच्यासाठी हा योग खूप फायदेशीर आहे.

आय फोकस 

हा योगा करण्यासाठी, आपण आपले डोळे शक्य तितके विस्तृत पसरवावेत परंतु हे लक्षात घ्या की यात आपल्या भुवया संकुचित होणार नाहीत. यानंतर, दूरच्या गोष्टींवर लक्ष केंद्रित करा. यानंतर, हळूहळू जवळपासच्या गोष्टींवर लक्ष केंद्रित करा. हा योग काही सेकंदांसाठी करा. हा योग दोन ते चार वेळा करा. हा फेस योगा तुमच्या भुवया सुधारण्यासाठी उपयुक्त आहे.

लिप पुल 

लिप पुल योग केल्याने चेहरा तरुण आणि ग्लो दिसून येतो. लिप पुल योग चीकबोन आणि जॉलाइन साठी प्रभावी आहे. हा योग करण्यासाठी आपण आरामात बसा नंतर आपला चेहरा सरळ ठेवा. आपले लोअर लिप म्हणजे खालील ओठ शक्य तितकं बाहेर काढा ज्याने हनुवटीवर खेचाव जाणवेल. काही वेळ याच मुद्रेत राहा. हा योग दोन ते तीन वेळा करा.

चीक अपलिफ्ट 

चीक अपलिफ्ट चीकबोन्ससाठी सर्वात योग्य योगा आहे. याने गालांवरील फॅट्स कमी होण्यास मदत मिळते. चीक अपलिफ्ट केल्याने चेहर्‍यावर ग्लो येतो. चीक अपलिफ्ट योगा करण्यासाठी सर्वात आधी आरामात बसावे नंतर शक्तय ति‍तकं हसण्याची पोझिशन तयार करा. यानंतर, आपल्या दोन्ही हातांची तर्जनी गालांवर ठेवा. बोटाच्या मदतीने गाल वरच्या दिशेने उचला, आपले गाल काही सेकंदांसाठी वर ठेवा. त्यानंतर काही सेकंदांसाठी गालांना विश्रांती द्या. हा योग दोन ते तीन वेळा करा.

माउथवॉश योग 

गालांवरील फॅट्स कमी करण्यासाठी माउथवॉश योगा प्रभावी आहे. गालांवरील फॅट्ससह याने डबल चिन देखील कमी करता येईल. हा योग करण्यासाठी आरामात बसावे. जसे तोंडात गुळण्याकरण्यासाठी पाणी घेतलं असेल त्याप्रकारे तोंडात वारं भरुन गुळण्या कराव्या. वेदना जाणवल्यावर आराम द्यावा. हा योग दोन ते तीन वेळा करा.