म्हणे सेलिनाचा 'अभिनय' पहा
सेलिना जेटली एक्सीडेंट ऑन हिल या चित्रपटात काम करतेय. एरवी सेलिनाच्या कुठल्याही चित्रपटाची चर्चा होतेच, पण ती तिने केलेल्या अंगप्रदर्शनाबद्दल. बाकी तिच्या अभिनयाविषयी काय चर्चा करणार म्हणा.
पण यावेळची बातच वेगळी आहे, असा सेलिनाचा दावा आहे. सेलिनाच्या मते हा चित्रपट तिच्यासाठी खास आहे. कारण यात आपण ग्लॅमर डॉल नव्हे तर अभिनयही करू शकतो हे दाखवून दिले आहे. आपल्या शरीराऐवजी लोक अभिनयाकडे लक्ष देतील असा तिला विश्वास आहे. सेलिनाचा हा दावा किती मनावर घ्यायचा हा ज्याचा त्याचा प्रश्न आहे. तसेही सेलिनाला किती गंभीरपणे घ्यायचे हाही प्रश्नच आहे. कारण आपल्या आगामी चित्रपटाविषयी असे दावे करण्याचा बॉलीवूडी फंडा काही नवीन नाही. तरीही बघूया, घोडामैदान काही लांब नाही. लवकरच चित्रपट रिलीज होणार आहे, बघूया.
