संबंधित माहिती
- Sankranti Bhogi 2026 अस्सल मराठमोळी भोगीची संपूर्ण थाळी
- हिवाळ्यात या ५ प्रकारच्या चटण्या जरूर खाव्यात; जेवणाची चव वाढवण्यासोबतच अनेक फायदेही मिळतात
- हिवाळ्यात खाण्यास चविष्ट असण्यासोबतच आरोग्यासाठीही फायदेशीर अशी झटपट मुळा चटणी बनवा
- Foods to avoid with Milk दुधासोबत काय खाऊ नये?
- चविष्ट अशी आवळा-बीटाची चटणी; जी जेवणाची चव वाढवेल
फक्त १० मिनिटांत बनवा आरोग्यासाठीही उत्तम चटपटीत डाळिंबाची चटणी
डाळिंबाची चटणी ही चवीला गोड, आंबट आणि तिखट अशी 'चटपटीत' लागते. ही चटणी जेवणाची चव वाढवतेच, शिवाय ती आरोग्यासाठीही उत्तम आहे. फक्त १० मिनिटांत ही चटणी कशी बनवायची, जाणून घ्या रेसिपी..
साहित्य-
डाळिंबाचे दाणे- १ वाटी
ताजी कोथिंबीर-अर्धी वाटी
पुदिन्याची पाने-१०-१२
हिरवी मिरची-२-३
जिरे- १ छोटा चमचा
काळं मीठ-अर्धा चमचा
लिंबाचा रस-१ चमचा
साखर किंवा गूळ- १ चमचा
साधे मीठ- चवीनुसार
कृती-
सर्वात आधी डाळिंबाचे दाणे काढून घ्या. कोथिंबीर आणि पुदिना स्वच्छ धुवून घ्या.
आता मिक्सरच्या भांड्यात डाळिंबाचे दाणे, कोथिंबीर, पुदिना, हिरवी मिरची आणि जिरे एकत्र घ्या. त्यात काळं मीठ, साधे मीठ आणि साखर/गूळ घाला. पाणी न घालता मिक्सरवर पल्स मोडवर जाडसर किंवा गुळगुळीत वाटून घ्या. चटणी एका बाऊलमध्ये काढून घ्या आणि त्यावर लिंबाचा रस घालून मिक्स करा. तयार चटणी समोसे, ढोकळा, पराठा किंवा साध्या वरण-भातासोबत नक्कीच सर्व्ह करा.
टिप्स-
डाळिंबाचे बी: जर डाळिंबाच्या बिया खूप कडक असतील, तर डाळिंबाचा फक्त रस काढून तो इतर साहित्यासोबत मिक्स करा.
फोडणी (पर्यायी): जर तुम्हाला दाक्षिणात्य पद्धतीची चव हवी असेल, तर वरून मोहरी, हिंग आणि कढीपत्त्याची फोडणी देऊ शकता.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत नाही. अधिक माहितीसाठी संबंधित तज्ज्ञांचा सल्ला घ्यावा.
Edited By- Dhanashri Naik
