1. मराठी बातम्या
  2. विधानसभा निवडणूक 2022
  3. हिमाचल प्रदेश विधानसभा निवडणूक 2022
  4. Slogans in Rajnath rally that want PoK

राजनाथ यांच्या रॅलीत घोषणाबाजी, PoK हवंय, म्हणाले- धीर धरा...

हिमाचल प्रदेशातील जयसिंगपुरा येथे संरक्षण मंत्री राजनाथ सिंह यांच्या रॅलीदरम्यान तेथे उपस्थित लोकांनी आम्हाला पाकव्याप्त काश्मीर (पीओके) हवे आहे अशा घोषणा दिल्या, प्रत्युत्तरात राजनाथ सिंह म्हणाले की धीर धरा.
 
खरं तर, राजनाथ सिंह यांनी यापूर्वी गिलगिट-बाल्टिस्तानचा मुद्दा उपस्थित केल्यापासून पीओकेचा मुद्दा चर्चेत आला आहे. संरक्षणमंत्र्यांच्या या वक्तव्यानंतर चिनार कॉर्प्स कमांडर लेफ्टनंट जनरल एडीएस औजला यांचे वक्तव्यही समोर आले आहे. ते म्हणाले की, भारतीय लष्कर सरकारच्या आदेशानुसार कोणतीही कारवाई करण्यास पूर्णपणे तयार आहे. औजला म्हणाले की, सैन्य शत्रूंना प्रत्येक प्रकारे प्रत्युत्तर देण्यासाठी सज्ज आहे.
 
शब्द आणि करणीतील फरकामुळे नेत्यांवरील विश्वास कमी झाला: राजनाथ हिमाचलमध्ये म्हणाले आत्मविश्वासाचे हे संकट भाजपने आव्हान म्हणून स्वीकारले आहे.
 
सांस्कृतिक पुनर्जागरणाचे कार्य: ते म्हणाले की, आपल्याकडे अटलबिहारी वाजपेयी आणि नरेंद्र मोदी हे दोन पंतप्रधान होते, ज्यांचे हिमाचलशी भावनिक नाते आहे. भाजपने देशाच्या विकासासाठी तसेच भारताच्या सांस्कृतिक पुनर्जागरणासाठी काम केले आहे.
 
त्याचाच परिणाम म्हणजे आज अयोध्येत रामाचे भव्य मंदिर उभारले जात आहे. काशी विश्वनाथ धाम असो, उज्जैन असो वा सोमनाथ सर्व आध्यात्मिक आणि सांस्कृतिक केंद्रे विकसित झाली आहेत. आम्ही भ्रष्टाचार पूर्णपणे संपवला असे मी म्हणत नाही, पण आमच्या सरकारने भ्रष्टाचाराला आळा घातला आहे.

Edited by: Rupali Barve
पुढील लेख
इसुदान गढवी गुजरातमध्ये 'आप'चे मुख्यमंत्रीपदाचे उमेदवार, 16 लाखांपैकी 73 टक्के लोकांचे समर्थन