पूर्व लडाख सीमा वादावर भारत आणि चीनमध्ये मोठा करार
पूर्व लडाखमध्ये भारत आणि चीनमध्ये सुरू असलेल्या सीमा वादावर भारताचे परराष्ट्र सचिव विक्रम मिसरी यांनी सोमवारी माहिती दिली की दोन्ही देशांनी तणाव कमी करण्यासाठी करार करण्यास सहमती दर्शविली आहे.
परराष्ट्र सचिव विक्रम मिसरी यांनी माहिती दिली की, भारत आणि चीनच्या लष्करी वाटाघाटींमध्ये एक करार झाला आहे.दोन्ही देशांदरम्यान LAC वर गस्तीबाबत करार झाला आहे.
काही काळासाठी, भारत आणि चीन या दोन्ही देशांनी पूर्व लडाखमधील LAC वर मोठ्या प्रमाणात सैन्य तैनात केले होते. परराष्ट्र सचिव विक्रम मिसरी यांनी म्हटले आहे की नुकत्याच झालेल्या करारामुळे दोन देशांमधील मतभेद दूर होत आहेत आणि अखेरीस 2020 मध्ये या क्षेत्रांमध्ये उद्भवलेल्या समस्यांचे निराकरण केले जात आहे.
2020 मध्ये लडाखच्या गलवानमध्ये भारत आणि चीनच्या सैन्यांमध्ये मोठी चकमक झाली होती. यामध्ये दोन्ही देशांच्या सैन्याला मोठे नुकसान सहन करावे लागले.
रशियात होणाऱ्या ब्रिक्स परिषदेत दोन्ही देशांचे नेते पंतप्रधान मोदी आणि चीनचे राष्ट्राध्यक्ष शी जिनपिंग आमनेसामने येणार आहेत.
Edited By - Priya Dixit
