टिकटॉक बंदी नंतर इंस्टाग्रामने आणले नवीन फिचर

इंस्टाग्रामच्या रील्स फीचरद्वारे युजर्स टिकटॉकप्रमाणे 15 सेकंदाचा व्हिडिओ बनवू शकतात. यासाठी म्युजिक लाइब्रेरीमधून ऑडियो, स्पीड, इफेक्टस आणि टाइमरचे ऑप्शन उपलब्ध आहेत. व्हिडिओच्या बॅकग्राउंडमध्ये बदल करु शकतात किंवा व्हिडिओचा स्पीडही कंट्रोल करता येतो. व्हिडिओ बनवल्यानंतर युजर्स आपल्या इंस्टाग्राम स्टोरीजमध्ये शेअर करु शकतात. इंस्टाग्रामचं हे फीचर अॅपमध्येच आहे, त्यामुळे यासाठी नवीन अॅप डाउनलोड करावं लागत नाही.

जगातील काही देशांमध्ये हे फीचर आधीपासूनच उपलब्ध होतं आता कंपनीने हे फीचर भारतीय युजर्ससाठीही आणलं आहे. टिकटॉक बॅन झाल्यानंतर अनेक अन्य अॅप्स लोकप्रिय ठरत आहेत. त्यामुळे इंस्टाग्रामच्या रील्स फीचरलाही चांगला प्रतिसाद मिळण्याची शक्यता आहे.