सर्वाधिक प्रवाशांना दर्जेदार सेवा देण्याच्या बाबतीत मुंबई छत्रपती शिवाजी आंतरराष्ट्रीय विमानतळ जगात नंबर १ ठरले आहे. एअरपोर्टस् कौन्सिल इंटरनॅशनलने (एसीआय) जगभरातील विमानतळांचे सर्वेक्षण करून ही क्रमवारी दिली आहे. वर्षाला चार कोटींपेक्षा अधिक प्रवासी मुंबई विमानतळावरून प्रवास करतात. मुंबईचे छत्रपती शिवाजी आंतरराष्ट्रीय विमानतळ आणि दिल्ली येथील इंदिरा गांधी आंतरराष्ट्रीय विमानतळ ही दोन्ही विमानतळे सर्वाधिक प्रवाशांना सेवा देण्यात जगात अव्वल ठरली आहेत.
