भारतात १५ एप्रिल ते १५ जून पर्यंत पूणपणे लॉकडाउनची ऑडिओ क्लिप फेक
कोरोना व्हायरसमुळे संपूर्ण देशात 21 दिवसांसाठी लॉकडाउनची घोषणा करण्यात आली आहे परंतू सोशल मीडियावरील प्लॅटफॉर्मवर आणि व्हॉट्सअॅपवर एक ऑडिओ क्लिप व्हायरल होत असल्यामुळे अफवा पसरत आहे. ८ मिनिट आणि ३४ सेकंदाची ऑडिओ क्लिप शेअर केली जात आहे. ज्यात दोन व्यक्ती चर्चा करीत आहेत. यातील एक करोना व्हायरसमुळे देश 15 जून पर्यंत पूर्णपणे बंद करण्यात आल्याचा दावा केला जात आहे.
या ऑडिओ क्लिपमध्ये स्वतः WHO, इंडिया डायरेक्टर सौरभ यांचा मित्र सांगणारा हा व्यक्ती हा दावा करीत आहे. सौरभ म्हणतोय, देशात १५ एप्रिल ते १५ जून २०२० पर्यंत देशभरात पूर्णपणे लॉकडाउन करण्यात येणार आहे. कारण WHO च्या माहितीनुसार, भारतात करोना व्हायरसची परिस्थिती खूप गंभीर आहे.
ही ऑडिओ क्लिप अनेक जण व्हॉट्सअॅपवर मोठ्या प्रमाणात शेअर करीत आहेत. परंतू प्रेस इन्फॉर्मेशन ब्यूरो (पीआयबी) फॅक्ट चेकने एक ट्विटच्या माध्यमातून या ऑ़डिओ क्लिपला खोटी आणि असामाजिक असल्याचे म्हटले आहे.
An audio clip of a #FAKE phone conversation between two individuals discussing "complete lockdown" of the country is being shared widely on #WhatsApp
— PIB Fact Check (@PIBFactCheck) March 20, 2020
The audio clip is FAKE and work of miscreants. Please do not forward it. #IndiaFightsCorona #CoronavirusPandemic pic.twitter.com/Kjbfp1rPpl
पीआयबी फॅक्ट चेक च्या माहितीनुसार, या क्लिपमध्ये लॉकडाउनवर झालेली चर्चा खोटी आहे. खोटी माहितीचा ऑडिओ सोशल मीडियावर धडाक्याने शेअर करण्यात येत आहे. तसेच प्रसार भारतीने भारतात या प्रकारचे असे कोणतेही पद नसल्याचे म्हटले. ज्याचा या क्लिपमध्ये उल्लेख करण्यात आला आहे.
