गुरूवार, 18 एप्रिल 2024
  1. मराठी बातम्या
  2. लोकसभा निवडणूक २०२४
  3. लोकसभा निवडणूक २०२४ बातम्या
Written By
Last Modified: बुधवार, 3 एप्रिल 2024 (16:10 IST)

उद्धव ठाकरे यांच्या पक्षाने केली चार उमेदवारांची घोषणा,कल्याणमधून वैशाली दरेकर

uddhav thackeray
आगामी लोकसभा निवडणुकीसाठी अवघे काही दिवस उरले आहेत. अशा स्थितीत शिवसेनेने (यूबीटी) बुधवारी आणखी चार उमेदवारांची घोषणा केली. त्यात वैशाली दरेकर राणे यांना कल्याण मतदारसंघातून उमेदवारी देण्यात आली आहे. उद्धव ठाकरे यांच्या नेतृत्वाखालील पक्षाने आतापर्यंत 21 जागांसाठी उमेदवार जाहीर केले आहेत.

माजी मुख्यमंत्री उद्धव ठाकरे यांनी पत्रकार परिषद घेतली. यावेळी त्यांनी कल्याण मतदारसंघातून वैशाली दरेकर, हातकणंगले मतदारसंघातून सत्यजित पाटील, पालघर मतदारसंघातून भारती कामडी आणि जळगाव मतदारसंघातून करण पवार यांची उमेदवारी जाहीर केली. ठाकरे म्हणाले की, महाविकास आघाडी (एमव्हीए) सहयोगी काँग्रेस उत्तर मुंबई क मधून निवडणूक लढवण्यास इच्छुक नसेल तर त्यांचा पक्ष त्या जागेवरूनही उमेदवार उभा करेल. या जागेवर भाजपने केंद्रीय मंत्री पियुष गोयल यांना उमेदवारी दिली आहे.  

कल्याण लोकसभा मतदार संघ हा शिवसेनेचा बालेकिल्ला आहे. शिवसेनेत फूट पडल्यानंतर हा मतदारसंघ ठाकरे गटाकडे आहे. सध्या महायुतीत या जागेवरून शिंदे नि भाजपच्या गटात धुसफूस सुरू आहे. ठाकरे गटाकडून या मतदारसंघावर वैशाली दरेकर यांना उमेदवारी देण्यात आली आहे. वैशाली दरेकर यांनी 2009 साली महाराष्ट्र नवनिर्माण सेनेकडून लोकसभा निवडणूक लढली होती. दरेकर राणे आणि भारती कामडी हे पक्षाचे तळागाळातील कार्यकर्ते असल्याचे ठाकरे म्हणाले. 
 
Edited by - Priya Dixit