SUV overturned निवडणूक प्रचार करत असलेली SUV उलटली, 3 जणांचा मृत्यू
SUV overturned in MP: मध्य प्रदेशातील सागर जिल्ह्यात, आगामी विधानसभा निवडणुकीतील भाजप उमेदवार गोपाल भार्गव यांच्या प्रचारासाठी वापरण्यात येणारी एसयूव्ही उलटल्याने 3 जणांचा मृत्यू झाला, तर 5 जण जखमी झाले.
पोलिसांनी सोमवारी ही माहिती दिली. रेहली पोलिस स्टेशनचे प्रभारी मनीष त्रिपाठी यांनी सांगितले की, शनिवारी संध्याकाळी बारग्रोन बरखेडा आणि जून गावांदरम्यान हा अपघात झाला तेव्हा त्यात आठ जण प्रवास करत होते.
ते म्हणाले की रविवारी रुग्णालयात 3 पीडितांचा मृत्यू झाला तर 5 जणांवर उपचार सुरू आहेत. अधिकाऱ्याने सांगितले की, राजेश अहिरवार (40), संतोष अहिरवार (59) आणि लखनलाल अहिरवार (65) अशी मृतांची नावे आहेत. याप्रकरणी गुन्हा दाखल करण्यात आल्याचे त्यांनी सांगितले.
अपघातानंतर रेकॉर्ड केलेल्या कथित व्हिडिओमध्ये राहली विधानसभा मतदारसंघातील भाजपचे उमेदवार गोपाल भार्गव यांचे पॅम्प्लेट आणि इतर प्रचार साहित्य रस्त्यावर विखुरलेले दिसत आहे.
