संबंधित माहिती
- चंद्रकांत पाटील: भाजपने एकनाथ खडसे यांचं तिकीट का कापलं, हे मला माहीत नाही : विधानसभा निवडणूक 2019
- निवडणूक नाही सोप्पी कोठे नातेवाईक विरोधात तर कोठे भाऊ बहिण विरोधात
- पुण्यातील राज ठाकरेंची सभा रद्द, राज गर्जना होणार आज मुंबईत दोन सभेत
- राहुल गांधी महाराष्ट्रात प्रचाराला येणार, तर प्रियांका गांधी यांच्या सुद्धा सभा
- बाळासाहेब ठाकरे यांचे आणखी एक नातू सुद्धा निवडणूक प्रचारात
रस्त्यांवर सभा घेण्यास परवानगी द्या - मनसे
विधानसभा निवडणुकीच्या प्रचारसभा रस्त्यावर घेण्याची परवानगी मनसेनंनिवडणूक आयोगाकडे मागितली आहे. पाऊस लांबल्यानं मैदानांमध्ये सभा घेण्यात अडचणी येत आहेत. त्यामुळे रस्त्यांवर सभा घेण्यास परवानगी द्या अशी मागणी करणारं पत्र मनसेनं राज्य निवडणूक आयोगाच्या आयुक्तांना लिहिलं आहे.
विधानसभा निवडणुकीच्या प्रचारासाठी मुंबई, ठाणे, पुणे आणि नाशिकमधील मैदानं आरक्षित करण्यात आली आहेत. मात्र पावसामुळे मैदानांमध्ये पाणी साचत असल्यानं मनसेसह सर्वच राजकीय पक्षांच्या सभा रद्द कराव्या लागत आहेत. पावसामुळे मैदानात चिखल होतो आणि पाऊस थांबला तरी चिखलामुळे सभा घेणं शक्य होत नाही, असं मनसेनं निवडणूक आयुक्तांना लिहिलेल्या पत्रात म्हटलं आहे.
पुण्यातील कसबा पेठेत सभा होती. मात्र पावसामुळे मैदानात चिखल झाल्यानं ही सभा रद्द करावी लागली, याचा उल्लेखदेखील पत्रात आहे. हवामान खात्याच्या अंदाजानुसार परतीचा पाऊस २०-२१ ऑक्टोबरपर्यंत लांबू शकतो. असं झाल्यास आमचे उमेदवार प्रचारापासून वंचित राहण्याची शक्यता आहे. ही परिस्थिती लक्षात घेऊन प्रचार सभांसाठी रस्ते उपलब्ध करुन द्यावेत, असी मागणी मनसेकडून करण्यात आली आहे.
