सर्वसामान्यांना मोठा झटका, LPG सिलेंडर 105 रुपयांनी महाग
LPG सिलिंडरचे आजचे दर 1 मार्च 2022: LPG बाबत सर्वसामान्यांना मोठा झटका बसला आहे. सरकारी तेल विपणन कंपनी इंडियन ऑइल कॉर्पोरेशन (IOC) ने LPG सिलेंडरच्या दरात वाढ केली आहे. इंडियन ऑइल कॉर्पोरेशनने 19 किलोचा व्यावसायिक गॅस सिलिंडर 105 रुपयांनी महाग केला आहे. नवीन किमती आजपासून म्हणजेच १ मार्च २०२२ पासून लागू झाल्या आहेत. मात्र, घरगुती एलपीजीच्या किमतीत कोणताही बदल झालेला नाही. राजधानी दिल्लीत, अनुदानाशिवाय 14.2 किलोचा एलपीजी सिलिंडर 899.5 रुपयांना, मुंबई, कोलकाता आणि चेन्नईमध्ये एलपीजी अनुक्रमे 899.5 रुपये, 926 रुपये आणि 915.5 रुपयांना उपलब्ध आहे.
इंडियन ऑइल कॉर्पोरेशन (IOC) ने दिल्लीत 19 किलोच्या व्यावसायिक गॅस सिलिंडरच्या किमती 105 रुपयांनी वाढवल्या आहेत . किमती वाढल्यानंतर नवी दिल्लीत व्यावसायिक गॅस सिलिंडरची किंमत 2,012 रुपयांवर गेली आहे. मुंबई, कोलकाता आणि चेन्नईमध्येही व्यावसायिक गॅस सिलिंडरच्या दरात अनुक्रमे 106 रुपये, 108 रुपये आणि 105.5 रुपयांची वाढ करण्यात आली आहे. मुंबई, कोलकाता आणि चेन्नईमध्ये व्यावसायिक गॅस सिलेंडरची किंमत अनुक्रमे 1,963 रुपये, 2,095 रुपये आणि 2,145.5 रुपये झाली आहे.
