स्वस्त झाला व्यावसायिक LPG सिलेंडर , जाणून घ्या नवीन किमती काय आहेत
तेल कंपन्यांनी सणासुदीच्या काळात व्यावसायिक स्वयंपाकाच्या गॅसच्या किमती अंशतः कमी केल्या आहेत. सलग सहाव्या महिन्यात व्यावसायिक सिलिंडरच्या किमतीत कपात करण्यात आली आहे. मात्र, घरगुती एलपीजीच्या किमतीत कपात करण्यात आलेली नाही.
IOCL नुसार, इंडेनच्या 19 किलोच्या व्यावसायिक सिलेंडरची किंमत दिल्लीत 25.5 रुपये, कोलकात्यात 36.5 रुपये, मुंबईत 32.5 रुपये, चेन्नईमध्ये 35.5 रुपये असेल.
आता इंडेनचा 19 किलोचा सिलेंडर दिल्लीत 1859.5 रुपयांना मिळणार आहे. कोलकात्यात त्याची किंमत 1959 रुपये झाली. मुंबईत व्यावसायिक सिलिंडरची किंमत 1811.5 रुपयांवर गेली आहे, तर चेन्नईमध्ये 2009.50 रुपयांना मिळणार आहे.
विशेष म्हणजे देशातील गॅस कंपन्या प्रत्येक महिन्याच्या पहिल्या तारखेला गॅस सिलिंडरची किंमत ठरवतात.व्यावसायिक पद्धतीने सिलिंडरचा वापर केला जातो. हॉटेल, रेस्टॉरंट, ढाबे आणि केटरर्स स्वयंपाकासाठी त्याचा वापर करतात.
