फिलिप्स कंपनीने आणले स्मार्ट लाईट्स, प्रकाशकिरणांपासून इंटरनेट डाटाही मिळणार
फिलिप्स कंपनीने स्मार्ट लाईट्स आणले आहेत, ज्यामुळे प्रकाश तर मिळेलच, पण त्या प्रकाशकिरणांपासून इंटरनेट डाटाही मिळणार आहे. वायफायसारखं असणाऱ्या या तंत्राला लाय-फाय (Li-Fi lights) असं नाव देण्यात आलं आहे. महत्त्वाचं म्हणजे या लायफायमधून लॅपटॉपसारख्या उपकरणांना तब्बल 150 mbps इतकं स्पीड मिळू शकतं.
फिलिप्सच्या मालकिच्या Signify ने Li-Fi सिस्टीम तयार केलं आहे. या Li-Fi सिस्टीमला Trulifi नाव देण्यात आलं आहे. या Li-Fi सिस्टीमला ऑन केल्यानंतर यूझरला एक USB अॅक्सेस Key डिव्हाईसला आपल्या लॅपटॉपशी जोडावं लागेल. यानंतर LED बल्बच्या लाईटने वायरलेस डाटा ट्रान्समीट होईल. यामुळे कुणीही तुमचा डाटा चोरु शकणार नाही. Trulifi सिस्टीममध्ये एक ऑप्टिकल ट्रान्सरिसव्हरचा वापर करण्यात आला आहे. हा साधारणपणे 150 Mbps वायरलेस स्पीड देईल. गरज पडल्यास याच्या स्पीडला 250 Mbps पर्यंत ट्रान्समीट करता योईल, असं Signify कंपनीने सांगितलं.
