RBI ने एकाच झटक्यात 4 बँकांवर लादले निर्बंध, ग्राहकांवर होईल मोठा परिणाम
भारतीय रिझर्व्ह बँकेने (RBI)चार सहकारी बँकांवर निर्बंध लादले आहेत.यामध्ये ग्राहकांच्या बँक खात्यातून पैसे काढण्यावर मर्यादा घालणे समाविष्ट आहे.आरबीआयच्या म्हणण्यानुसार, साईबाबा जनता सहकारी बँक, द सूरी फ्रेंड्स युनियन को-ऑपरेटिव्ह बँक लि., सुरी (पश्चिम बंगाल) आणि नॅशनल अर्बन को-ऑपरेटिव्ह बँक लि., बहराइचवर निर्बंध लादण्यात आले आहेत.
मर्यादा किती:आदेशानुसार, साईबाबा जनता सहकारी बँकेचे ठेवीदार 20,000 रुपयांपेक्षा जास्त काढू शकत नाहीत.तर सुरी फ्रेंड्स युनियन को-ऑपरेटिव्ह बँकेसाठी ही मर्यादा 50,000 रुपये आहे.त्याचप्रमाणे नॅशनल अर्बन को-ऑपरेटिव्ह बँकेच्या बाबतीत, पैसे काढण्याची मर्यादा प्रति ग्राहक 10,000 रुपये करण्यात आली आहे.RBI ने बिजनौर-आधारित युनायटेड इंडिया को-ऑपरेटिव्ह बँक लि. वर देखील निर्बंध लादले आहेत, ज्यात ग्राहकांकडून पैसे काढण्यावर अनेक निर्बंध आहेत.
काय आहे कारण :बँकिंग रेग्युलेशन अॅक्ट, 1949 अंतर्गत मध्यवर्ती बँकेने चार सहकारी बँकांना या सूचना दिल्या आहेत, ज्या सहा महिन्यांसाठी लागू राहतील.या बँकांची ढासळती आर्थिक स्थिती पाहता हे पाऊल उचलण्यात आले आहे.
दुसर्‍या निवेदनात, रिझर्व्ह बँकेने म्हटले आहे की 'फसवणूक' संबंधित काही नियमांचे उल्लंघन केल्याबद्दल सूर्योदय स्मॉल फायनान्स बँकेला 57.75 लाख रुपयांचा दंड ठोठावण्यात आला आहे.
