मराठीच्या मोठ्या पडद्यावर होणार 'फाईट'

अॅक्शनचा जबरदस्त तडका असलेल्या या सिनेमाच्या टीझर पोस्टरवर एक नवा चेहरा आपल्याला पाहायला मिळतो. मराठी सिनेसृष्टीत दमदार पदार्पण करणाऱ्या या जिगरबाज तरुणाचे नाव जीत आहे. विशेष म्हणजे, छोट्या शहरातून आलेल्या या तरुणाने 'फाईट' सिनेमातील अॅक्शन सीनसाठी भरपूर मेहनत घेतली असल्याचे सिनेमाच्या टीझर पोस्टरमधून पाहायला मिळते. 'फाईट' या चित्रपटाचे ललित ओसवाल निर्माते आहेत. मराठीच्या मोठ्या पडद्यावरील ही 'फाईट' पाहण्यासाठी प्रेक्षकदेखील उत्सुक असतील हे निश्चित !