IND VS ENG: विराट कोहलीचा विजयी षट्कार, दुसर्‍या टी -20 मध्ये भारताने इंग्लंडला 7 गडी राखून पराभूत केले
अहमदाबाद येथे खेळल्या गेलेल्या दुसर्‍या टी -२० सामन्यात टीम इंडियाने (India vs England) शानदार विजय नोंदविला. इंग्लंडने भारताला 165 धावांचे आव्हान दिले होते, जे त्यांना मिळविण्यात कोणतीही अडचण आली नाही. भारताची सुरुवात चांगली नव्हती आणि पहिला ओवर मेडनं असून केएल राहुल शून्यावरही बाद झाला, पण त्यानंतर कर्णधार विराट कोहली आणि इशान किशन यांनी डेब्यू सामना खेळत शानदार अर्धशतक झळकवले. दोन्ही फलंदाजांनी दुसर्‍या विकेटसाठी--धावांची भागीदारी करत इंग्लंडला सामन्याबाहेर केले.
भारताच्या विजयात इशान किशन आणि विराट कोहलीने अर्धशतक ठोकले. किशनने आपल्या पहिल्या आंतरराष्ट्रीय सामन्यात 28 चेंडूत अर्धशतक झळकवले. किशनने 32 चेंडूत 56 धावा केल्या. किशनने 5 चौकार आणि 4 षट्कार लगावले. कर्णधार विराट कोहलीनेही टी -20 मध्ये आपले 26 वे अर्धशतक ठोकले. टी २० मध्ये कोहली 50 पेक्षा जास्त धावा करणारा खेळाडू बनला आहे. त्याने रोहित शर्माला मागे सोडले. विराट कोहलीने नाबाद 73 धावा फटकावल्या आणि षट्काराने सामना संपविला.
