डेव्हिड वॉर्नरने आंतरराष्ट्रीय क्रिकेटमध्ये 16000 धावा पूर्ण केल्या, रिकी पाँटिंग-स्टीव्ह वॉ आणि अॅलन बॉर्डर सारख्या दिग्गजांच्या यादीत समाविष्ट
श्रीलंकेविरुद्धच्या पाच एकदिवसीय सामन्यांच्या मालिकेतील चौथ्या सामन्यात ऑस्ट्रेलियाला निकराच्या सामन्यात चार धावांनी पराभव स्वीकारावा लागला.अखेरच्या षटकात ऑस्ट्रेलियाला विजयासाठी 19 धावांची गरज होती.मात्र क्रिझवर असलेल्या जोश हेझलवूड आणि मॅथ्यू कुह्नेमन या जोडीला अखेरच्या षटकात 14 धावा करता आल्या.मॅथ्यू कुहनेमनने या षटकात तीन चौकार मारले.एकदिवसीय मालिकेत फार काही दाखवू न शकलेला ऑस्ट्रेलियाचा सलामीचा फलंदाज डेव्हिड वॉर्नरने चौथ्या सामन्यात दमदार खेळी केली.त्याच्या 99 धावांमुळे एकेकाळी ऑस्ट्रेलियाचा संघ विजयाकडे वाटचाल करत होता.मात्र तो बाद होताच श्रीलंकेने सामन्यावर आपली पकड मजबूत केली.
डेव्हिड वॉर्नरने या सामन्यात 62 धावा करत आंतरराष्ट्रीय क्रिकेटमध्ये 16000 धावा पूर्ण केल्या आहेत.या सामन्यापूर्वी वॉर्नरच्या नावावर १५९३८ धावा होत्या.आंतरराष्ट्रीय क्रिकेटमध्ये 16000 धावा पूर्ण करणारा वॉर्नर ऑस्ट्रेलियाचा सहावा फलंदाज ठरला आहे.ऑस्ट्रेलियासाठी सर्वाधिक आंतरराष्ट्रीय धावा करण्याचा विक्रम माजी कर्णधार रिकी पाँटिंगच्या नावावर आहे, ज्याने 559 सामन्यांमध्ये 27368 धावा केल्या आहेत.ऑस्ट्रेलियात 16000 धावा करणाऱ्या खेळाडूंच्या यादीत स्टीव्ह वॉ (18496), अॅलन बॉर्डर (17698), मायकेल क्लार्क (17112) आणि मार्क वॉ (16529) यांची नावे समाविष्ट आहेत.
