आलं-लसूण पेस्ट महिनाभर काय अगदी दोन महिने खराब होणार नाही; जाणून घ्या साठवणुकीच्या टिप्स

पाणी अजिबात वापरू नका
पेस्ट वाटताना चुकूनही पाण्याचा वापर करू नका. पाणी घातल्यामुळे पेस्टला लवकर बुरशी येते किंवा ती आंबट होते.

नैसर्गिक संरक्षक
पेस्ट वाटताना त्यात खालील दोन गोष्टी आवर्जून टाका:
मीठ: मीठ हे नैसर्गिक संरक्षक (Preservative) म्हणून काम करते.
खाद्यतेल: वाटताना १ ते २ मोठे चमचे तेल वापरा. तेलामुळे पेस्टचा पोत (Texture) मऊ राहतो आणि ती ऑक्सिडाइझ होऊन काळी किंवा हिरवी पडत नाही.

हळदीचा वापर
जर तुम्हाला पेस्टचा रंग एकदम छान पिवळसर आणि फ्रेश हवा असेल, तर त्यात पाव चमचा हळद टाका. हळदीमध्ये अँटी-बॅक्टेरियल गुणधर्म असतात, जे पेस्टला खराब होऊ देत नाहीत.

साठवण्याची योग्य पद्धत
काचेची बरणी: पेस्ट नेहमी काचेच्या हवाबंद (Air-tight) बरणीत भरा. प्लास्टिकच्या डब्यात वास साचून राहतो.
ओला चमचा टाळा: पेस्ट काढताना नेहमी कोरड्या चमच्याचाच वापर करा.
आलं-लसूण पेस्ट बनवण्याचे योग्य प्रमाण:
साधारणपणे ६०% लसूण आणि ४०% आलं असे प्रमाण ठेवावे. आल्याचे प्रमाण जास्त झाले तर पेस्ट थोडी कडवट लागू शकते.

कृती-
१. आलं आणि लसूण सोलून पूर्णपणे कोरडे करून घ्या.
२. मिक्सरच्या भांड्यात आलं-लसूण, थोडे मीठ, हळद आणि तेल टाका.
३. पाणी न घालता बारीक पेस्ट करून घ्या आणि फ्रीजमध्ये ठेवा.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीचीपूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik