शनिवार, 26 नोव्हेंबर 2022
  1. लाईफस्टाईल
  2. सखी
  3. सप्तरंग
Written By
Last Modified बुधवार, 13 एप्रिल 2022 (20:30 IST)

Travel Tips : गरोदरपणात प्रवास करताना या 5 गोष्टी लक्षात ठेवा

प्रत्येक बाईला आई बनणे हे सुखावून जाते. गरोदर मातेला अनेक गोष्टींची काळजी घ्यावी लागते. ती कशी चालत आहे, ती कशी उठते आहे, ती काय खात आहे, काय पीत आहे? अशा अनेक गोष्टी आहेत ज्याच्या कडे विशेष लक्ष दिले जाते आणि जेव्हा गरोदरपणात प्रवासाचा प्रश्न येतो तेव्हा तिची जास्त काळजी घ्यावी लागते. अशा परिस्थितीत, जर आपण प्रवासाचे नियोजन करत असाल किंवा सुट्टीसाठी नातेवाईकांच्या घरी जाण्याचा विचार करत असाल, गरोदरपणात प्रवास करताना अनेक गोष्टी लक्षात ठेवल्या पाहिजेत.
 
1 गर्भावस्थेत प्रवास करताना सावधगिरी बाळगा-जर गरोदरपणात कोणताही धोका नसेल, तर प्रवास करणे  पूर्णपणे सुरक्षित मानले जाते. असे असूनही बेबी बंप घेऊन प्रवास करण्याचा अनुभव खूपच वेगळा आहे. या दरम्यान, तुम्हाला अनेक वेळा शौचालयात जावे लागते, एकाच स्थितीत जास्त वेळ बसू शकत नाही. अशा अनेक गोष्टी आहेत ज्यांची काळजी घेणे आवश्यक आहे. अशा परिस्थितीत जर आपण गरोदरपणात प्रवास करण्याचा विचार करत असाल किंवा अचानक आपत्कालीन परिस्थितीत कुठेतरी जावे लागत असेल तर या 5 टिप्स फॉलो करा.
 
1. प्रवासाचा योग्य कालावधी निवडा-गरोदरपणाच्या पहिल्या तिमाहीत, म्हणजे 1-3 महिन्यांत, मळमळ, मॉर्निंग सिकनेस यांसारख्या अनेक प्रकारच्या समस्या असतात आणि या काळात कोणत्याही प्रकारचा धोका पत्करू नये. गरोदरपणाच्या तिसर्‍या तिमाहीत 6-9  महिन्यांत, बेबी बंप मोठा होतो आणि स्त्रीला बसणे, उठणे थोडे कठीण होते. या अर्थाने दुसऱ्या त्रैमासिकाची वेळ म्हणजे 3-6 महिने प्रवासासाठी योग्य आहे. 
 
2. प्रवासाचे ठिकाण योग्य निवडा- गरोदरपणात प्रवास करत असाल तर प्रवासाचे ठिकाण योग्य निवडावे. डोंगराळ ठिकाण किंवा निर्जन आणि शांत जागा निवडू नका. आपण जिथे जात असाल तिथले हवामान चांगले असावे , पिण्याचे पाणी सुरक्षित असावे, रोगांचा धोका नसावा, जवळपास डॉक्टर किंवा हॉस्पिटल असावे. 
 
3. स्नॅक्स आणि द्रवपदार्थ सोबत ठेवा-  फ्लाइट, ट्रेन किंवा कारने प्रवास करत असलात तरी,  आरोग्यदायी स्नॅक्स आणि द्रवपदार्थ आपल्या सोबत ठेवणे फार महत्वाचे आहे. दीर्घकाळ उपाशी किंवा तहाने राहिल्याने शरीराला डिहायड्रेशनचा धोका संभवतो. त्यामुळे खाण्याचे पदार्थ आणि पेय नेहमी सोबत ठेवा.
 
4. शक्य तितक्या कमी वस्तू पॅक करा- गर्भवती महिलेचे शरीर लवकर थकते. त्यामुळे प्रवासाची बॅग शक्य तितकी हलकी ठेवा आणि कमी सामान पॅक करा. गर्भधारणेदरम्यान तणावमुक्त राहणे आणि आराम करणे अधिक महत्त्वाचे आहे. त्यामुळे जड सुटकेस घेण्याऐवजी हलकी बॅग घेऊन आरामदायी प्रवास करा.
 
5. डॉक्टरांची परवानगी घ्या-सहलीचे नियोजन करण्यापूर्वी आपल्या डॉक्टरांना विचारण्यास विसरू नका. डॉक्टरांकडून परवानगी मिळाल्यानंतरच गर्भधारणेदरम्यान प्रवास करण्याची योजना करा. मेडिकल किट सोबत घ्यायला विसरू नका. गरोदरपणात घेतलेल्या औषधांसोबत, डॉक्टरांना सांगितल्यानंतर, सर्दी, खोकला आणि तापामध्ये घेतली जाणारी सामान्य औषधे सोबत ठेवा.