संबंधित माहिती
- Rath Saptami 2026 रथ सप्तमीच्या दिवशी सूर्याला अर्पण करा हा विशेष नैवेद्य
- Vasant Panchami Special Recipes वसंत पंचमी विशेष नैवेद्य पाककृती
- Vasant Panchami Special Recipe: केशरी भात
- माघी गणेश जयंती निमित्त बाप्पाला अर्पण करण्यासाठी पारंपारिक आणि खास पाककृती
- गणेश जयंती निमित्त बाप्पाला प्रिय असलेले पदार्थ नैवेद्यासाठी नक्कीच बनवू शकता
'Bhanu Saptami' 2026 भानू सप्तमी विशेष सूर्याला प्रसन्न करण्यासाठी सात्विक आणि गोड नैवेद्य पाककृती
आज २५ जानेवारी २०२६ रोजी 'रथ सप्तमी' आहे आणि योगायोगाने रविवार असल्यामुळे या दिवसाला 'भानू सप्तमी' असेही म्हटले जाते. जेव्हा सप्तमी तिथी रविवारी येते, तेव्हा तिला भानू सप्तमी म्हणतात, जी सूर्य उपासनेसाठी अत्यंत फलदायी मानली जाते. भानू सप्तमीच्या दिवशी सूर्याला प्रसन्न करण्यासाठी सात्विक आणि गोड नैवेद्याला महत्त्व असते. या दिवशी प्रामुख्याने विशेष पाककृती बनवल्या जातात. तर चला जाणून घेऊ या नैवेद्य पाककृती ज्या तुम्ही नक्कीच बनवू शकतात.
गव्हाची खीर रेसिपी
सूर्यदेवाला गहू अत्यंत प्रिय आहे, म्हणून या दिवशी तांदळाच्या खिरीपेक्षा गव्हाची खीर बनवण्याला अधिक महत्त्व दिले जाते.
साहित्य-
अर्धी वाटी खपली गहू (भिजवून भरडलेले) किंवा गव्हाचा रवा, १ लिटर दूध, गूळ, तूप, आणि सुका मेवा.
कृती-
गहू कुकरमध्ये मऊ शिजवून घ्या. एका पातेल्यात दूध आटवून त्यात शिजलेला गहू मिसळा. मिश्रण दाट झाले की त्यात गूळ आणि वेलची पूड घाला. तसेच गूळ घालताना गॅस बंद ठेवावा म्हणजे दूध फाटत नाही.
खीर-पुरीचा नैवेद्य
काही घरांमध्ये गुळाच्या खिरीसोबत गव्हाच्या पिठाच्या पुऱ्यांचा नैवेद्य दाखवला जातो. सूर्याचा आकार गोल आणि रंग सोनेरी असल्याने पुऱ्या या दिवशी शुभ मानल्या जातात.
सात्विक मुगाची खिचडी
अनेक लोक भानू सप्तमीला मिठाचा त्याग करतात (अळणी व्रत). अशा वेळी ही खिचडी विना मीठ किंवा सैंधव मीठ वापरून बनवली जाते. तांदूळ, पिवळी मुगाची डाळ, गाजर, मटार, तूप आणि जिरे पासून बनवलेली ही खिचडी अत्यंत पचायला हलकी असते. सूर्याच्या प्रखर ऊर्जेला सहन करण्यासाठी शरीर शुद्धीसाठी हा उत्तम आहार मानला जातो.
भानू सप्तमीला 'हे' आवर्जून करा
*नैवेद्य बनवताना किंवा वाढताना तांब्याच्या पात्राचा वापर करणे सूर्य पूजेत श्रेष्ठ मानले जाते.
*उद्या रथ सप्तमीही असल्याने, सूर्योदयाच्या वेळी अंगणात दूध आणि तांदूळ अग्नीवर ठेवून ते उत्तर दिशेला उतू जाईल असे पाहावे. हे समृद्धीचे प्रतीक मानले जाते.
*भानू सप्तमीच्या दिवशी आदित्य हृदय स्तोत्राचे पठण करणे आणि कोवळ्या उन्हात बसून 'ओम सूर्याय नमः' या मंत्राचा जप केल्याने डोळ्यांचे विकार आणि त्वचेचे आजार दूर होण्यास मदत होते.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत नाही. अधिक माहितीसाठी संबंधित तज्ज्ञांचा सल्ला घ्यावा.
Edited By- Dhanashri Naik
