गणेश जयंती निमित्त बाप्पाला प्रिय असलेले पदार्थ नैवेद्यासाठी नक्कीच बनवू शकता

Publish: Wed, 21 Jan 2026 (15:55 IST) Updated: Wed, 21 Jan 2026 (15:59 IST)

उद्या माघी गणेश जयंती आहे, त्यानिमित्त बाप्पाला कोणते पदार्थ प्रिय आहे आणि तुम्ही नैवेद्यासाठी काय बनवू शकता हे आज आपण फ़ार आहोत. तसेच गणपती बाप्पाला 'लंबोदर' म्हटले जाते, कारण त्यांना गोडधोड आणि सात्विक अन्नाची खूप आवड आहे. बाप्पाला प्रिय असलेले मुख्य पदार्थ आपण पाहणार आहोत. 

१. मोदक  

बाप्पाचा उल्लेख 'मोदकप्रिय' असा केला जातो. पुराणातही मोदकाचे महत्त्व सांगितले आहे.

उकडीचे मोदक

तांदळाची उकड काढून त्यात ओल्या नारळाचे आणि गुळाचे सारण भरले जाते.

तळणीचे मोदक: गव्हाच्या पिठाच्या पारीमध्ये सारण भरून ते तुपात किंवा तेलात तळले जातात.

मावा किंवा चॉकलेट मोदक: आधुनिक काळात लहान मुलांच्या आवडीनुसार हे मोदकही बनवले जातात.

२. मोतीचूर लाडू 

बाप्पाच्या अनेक मूर्तींमध्ये त्यांच्या हातात लाडू दाखवलेला असतो. विशेषतः मोतीचूर किंवा बेसनाचे लाडू बाप्पाला अत्यंत प्रिय आहे.

३. पुरणपोळी 

महाराष्ट्रात कोणत्याही मोठ्या सणाला बाप्पाला पुरणपोळीचा नैवेद्य दाखवण्याची परंपरा आहे. गरम पुरणपोळीवर साजूक तुपाची धार आणि सोबत कटाची आमटी हा बाप्पाचा आवडीचा बेत मानला जातो.

४. शिखरण 

बाप्पाला फळांमध्ये केळे खूप आवडते. त्यामुळे दूध, साखर आणि केळीचे काप करून बनवलेले 'शिखरण' हा एक उत्तम आणि झटपट होणारा नैवेद्य आहे.

५. तांदळाची खीर

दूध, तांदूळ, गूळ/साखर आणि सुका मेवा घालून केलेली घट्ट खीर बाप्पाला प्रिय आहे. अनेक ठिकाणी नैवेद्याच्या ताटात खीर-पुरीचा बेत असतो.

तसेच शास्त्रानुसार बाप्पाला २१ या संख्येमध्ये मोदक अर्पण करणे खूप फलदायी मानले जाते. जर तुम्हाला २१ मोदक करणे शक्य नसेल, तर किमान ५ किंवा ११ मोदकांचा नैवेद्य तुम्ही दाखवू शकता.

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik