चविष्ट नारळाचे मोदक, गणपती बाप्पांसाठी खास नैवेद्य

साहित्य- 

एक वाटी- तांदळाचे पीठ  

एक वाटी- पाणी

एक चमचा- तूप

चिमूटभर मीठ

एक वाटी- खवलेला नारळ 

३/४ वाटी- गूळ किसलेला 

१/२ चमचा- वेलची पूड

एक चमचा- तूप

काजू बारीक चिरलेले 

बदाम बारीक चिरलेले 

मनुके  

कृती-

सर्वात आधी  एका कढईत एक चमचा तूप गरम करा. त्यात खवलेला नारळ घाला आणि मंद आचेवर दोन मिनिटे परतून घ्या. आता त्यात किसलेला गूळ घाला आणि मंद आचेवर गूळ पूर्णपणे वितळेपर्यंत मिश्रण ढवळत राहा. गूळ आणि नारळ एकत्र मिसळल्यानंतर त्यात वेलची पूड, चिरलेले काजू आणि बदाम आणि मनुके घाला.

मिश्रण घट्ट होईपर्यंत परतत राहा. मिश्रण कोरडे आणि एकजीव झाले की गॅस बंद करा आणि थंड होऊ द्या. आता एका भांड्यात एक वाटी पाणी गरम करा. त्यात मीठ आणि तूप घाला. पाणी उकळायला लागल्यावर गॅस मंद करा आणि हळूहळू तांदळाचे पीठ घाला. सतत ढवळत राहा जेणेकरून गुठळ्या होणार नाहीत. मिश्रण एकजीव झाल्यावर झाकण ठेवून दोन मिनिटे मंद आचेवर शिजवून घ्या. गॅस बंद करा आणि मिश्रण थोडे थंड झाल्यावर मळून गुळगुळीत कणिक तयार करा.  आता कणकेचा एक छोटा गोळा घ्या आणि त्याला लाटणाने किंवा हाताने गोल, पातळ पुरीसारखा आकार द्या. पुरीच्या मध्यभागी नारळाचे सारण ठेवा.पुरीच्या कडा हळूहळू एकत्र करून मोदकाचा आकार द्या.जर तुमच्याकडे मोदकाचा साचा असेल, तर त्याचा वापर करून मोदकाला आकार द्या. आता वाफवण्याच्या भांड्यात पाणी गरम करा. भांड्याच्या जाळीवर स्वच्छ कापड ठेवा आणि त्यावर मोदक ठेवा. झाकण ठेवून दहा मिनिटे मंद आचेवर वाफवून घ्या. मोदक थंड झाल्यावर स्टीमरमधून काढा. मोदकावर थोडे तूप लावून तयार नारळाचे मोदक गणपतीला नैवेद्यात ठेवा. 

अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत ​​नाही. अधिक माहितीसाठी संबंधित तज्ज्ञांचा सल्ला घ्यावा.

Edited By- Dhanashri Naik