गाजराच्या वड्या
- प्रीता गडकरी
साहित्य : 2 वाट्या गाजराचे छोटे-छोटे तुकडे, 1/2 वाटी खवा, पाव आटी दूध, 2 वाट्या साखर, वेलदोडेची पूड, काजू-बादामचे काप, तूप. कृती :- एक चमच तुपावर गाजराचे तुकडे वाफवून घ्यावे. नंतर वाफवलेले तुकड्यांचा गोळा करून घ्यावा. वाफवलेल्या गोळ्यात दूध, खवा टाकून एकत्र शिजवावे. थोड शिजत आल्यावर साखर घालून व्यवस्थित शिजवून घ्यावे. मिश्रण घट्ट होत आले की वेलदोड्याची पुड घालून ते एकजीव करावे. पातेल्यात गोळा खुटखुटीत झालेला वाटला की, ताटाला तूप लावून मिश्रण ओतावे. शंकरपाळ्याच्या किंवा चौकोनी आकाराच्या वड्या कापाव्या. वरुन काजू व बादामाचे काप करून त्यानी वड्यांना सजवावे.
