कृती: साखर आणि लोणी एकत्र फेसून घ्यावे. नंतर त्यात अंड्यातील बलक घालून मिश्रण सारखे करावे. मैदा, मीठ आणि बेकिंग पावडर एकत्र मिसळून, चाळून घ्यावे. त्यात लिंबाची किसलेली साल घालावी व हे पीठ लोणी, साखर व अंडी यांच्या तयार करून घेतलेले मिश्रणात घालून हलक्या हाताने कालवावे. चेरीची फळे अर्धी कापून, त्या तुकड्यांना थोडास मैदा लावून, ते तुकडे वरील तयार मिश्रणात घालावेत व पुरेसे दूध घालून पीठ भिजवावे व सैलसर गोळा तयार करून घ्यावा. केकच्या भांड्याला आतून तुपाचा हात लावून वरीलप्रमाणे तयार केलेले पीठ त्या भांड्यात घालावे व भांडे ओव्हनमध्ये ठेवून मंद आचेवर केक भाजून घ्यावा.
