साबुदाण्याची धिरडी
साहित्य : एक वाटी साबूदाणा, एक लहान नारळ, एक वाटी गूळ, वेलदोडे.
कृती : धिडडी करण्यापूर्वी एक तास आधी साबूदाणा भिजवून, ठेवून द्यावा. तासानंतर पाण्याचे आधण ठेवून, त्यात तो साबूदाणा घालून, घट्ट असा शिजवावा. नंतर ओल्या फडक्यावर किंवा प्लॅस्टिकच्या कागदावर तो साबूदाणा पळीपळीने पापड्या घालावात, त्याप्रमाणे घालावा. दोन तास ते तसेच ठेवून द्यावे. नंतर नारळाचे दूध काढून, त्यात गूळ व वेलदोड्यांची पूड घालावी. डिशमध्ये साबुदाण्याची पापडी घालून त्यावर हे नारळाचे दूध घालून खावयास द्यावे.
|
