कढीतील शेवग्याच्या शेंगा
चार ते पाच शेवग्याच्या शेंगाची तुकडे करून मोठ्या पातेल्यात पाणी उकळत ठेऊन चाळणीवर 10 ते 15 मिनिटे शेंगा वाफवून घ्या. त्यानंतर त्या थोडा वेळ थंड होऊ द्या.
साम्रगी-
अडीच वाटी दही, एक वाटी बेसन, आले-लसनाची पेस्ट एक चमचा, लाल मिरचीचे चार ते पाच तुकडे, फोडणीसाठी गोडेतेल, जिरं , मोहरी, कढीपत्ता, हिंग, मेथीदाणे अर्धा वाटी, बारीक चिरलेली कोथिंबिर एक वाटी, मीठ व साखर चवीनुसार.
कृती-
सर्वप्रथमएका भांड्यात दही घेऊन चांगले घुसळून घ्या. पाण्यात बेसन काठी न होऊ देता चांगले कालवून घ्या. कढाईत गोडेतेलामध्ये जिरं, मोहरी, कढीपत्ता, मेथीदाणे व हिंग घालून फोडणी द्या. मिरचीचस तुकडे घालून चांगले परता. आले- लसनाची पेस्ट टाका. वाफवलेल्या शेवग्याच्या शेंगा तव्यावर तेलात परतून घ्या.
कढीसाठी तयार केलेले मिश्रण घाला व परतलेल्या शेंगा एकत्र करून आवश्यक तेवढे पाणी घाला. त्यानंतर त्यात चवीनुसार मीठ व साखर टाका. कढी चांगली उकळू द्या. नंतर कोथिंबिर टाकायला विसरू नका. शेवग्याच्या शेंगा घातलेली कढी आपल्याला व आपल्याकडे आलेल्या पाहूण्यानाही नाविन्यपूर्ण वाटेल, यात शंकाच नाही.
