मुंबईतील होर्डिंग प्रकरणातील फरार आरोपीला मुंबई पोलिसांनी अटक केली

Mumbai hoarding case news: मुंबईतील होर्डिंगप्रकरणी पोलिसांना मोठे यश मिळाले आहे. होर्डिंग प्रकरणातील फरार आरोपीला मुंबई पोलिसांनी अटक केली आहे. मंगळवारी माहिती देताना अधिकाऱ्यांनी सांगितले की, घाटकोपरमध्ये होर्डिंग कोसळल्याच्या प्रकरणातील मुख्य आरोपीला मुंबई पोलिसांनी उत्तर प्रदेशची राजधानी लखनऊ येथून अटक केली आहे.

मिळालेल्या माहितीनुसार व्यावसायिक अर्शद खान असे आरोपीचे नाव आहे, असे एका अधिकाऱ्याने सांगितले. या प्रकरणी त्याला जबानी नोंदवण्यासाठी बोलावण्यात आल्यानंतर तो गेल्या सात महिन्यांपासून फरार होता. 13 मे रोजी घाटकोपर भागातील एका पेट्रोल पंपावर जोरदार वारा आणि पावसात मोठा बेकायदेशीर होर्डिंग पडला होता. या अपघातात 17 जणांचा मृत्यू झाला असून 80 हून अधिक जण जखमी झाले होते. तसेच तपासादरम्यान अनेक गोष्टी समोर आल्याचे अधिकाऱ्याने सांगितले. अधिकाऱ्याने सांगितले की, होर्डिंग्ज लावणाऱ्या इगो मीडिया प्रायव्हेट लिमिटेडने अर्शद खानशी संबंधित काही लोकांच्या बँक खात्यात 82 लाख रुपये ट्रान्सफर केले होते. 

अर्शद खान आपले प्राथमिक जबाब नोंदवल्यानंतर या प्रकरणाचा तपास करणाऱ्या मुंबई पोलिसांच्या विशेष तपास पथकासमोर (एसआयटी) हजर झाला नाही. अधिकाऱ्याने सांगितले की, पोलीस गेल्या काही महिन्यांपासून अर्शद खानचा शोध घेत होते, पण तो वेळोवेळी त्याचे ठिकाण बदलत राहिला. अखेर रविवारी खानला लखनौ येथून अटक करण्यात आल्याचे त्यांनी सांगितले.

Edited By- Dhanashri Naik