संबंधित माहिती
- मुंबई येथे कारमधून 20 लाखांची रोकड जप्त,आरोपीना ताब्यात घेतले
- नवी मुंबईत व्यावसायिकाची 15 लाखांना फसवणूक, सहा जणांविरुद्ध गुन्हा दाखल
- बाबा सिद्दीकी हत्या प्रकरणात पोलिसांना मोठे यश, 15वा आरोपीला पंजाबमधून अटक
- नवी मुंबईत भीषण अपघात, 3 जणांचा मृत्यू
- बाबा सिद्दिकींचा मुलगा जिशान सिद्दिकींचा अजित पवारांच्या राष्ट्रवादीत प्रवेश
मुंबईच्या वांद्रे टर्मिनस स्थानकावर चेंगराचेंगरी
मुंबईतील वांद्रे टर्मिनस स्थानकावर शनिवार-रविवारच्या मध्यरात्री चेंगराचेंगरी झाली. या चेंगराचेंगरीत 10 प्रवासी जखमी झाले. त्यापैकी दोघांची प्रकृती चिंताजनक आहे. ही घटना रात्री उशिरा 2 वाजता वांद्रे टर्मिनसच्या प्लॅटफॉर्म क्रमांक एकवर घडली.
मुंबईहून गोरखपूरला जाणारी ट्रेन प्लॅटफॉर्मवर आली तेव्हा ट्रेनमध्ये चढण्याच्या घाईत चेंगराचेंगरी झाली. या चेंगराचेंगरीत अनेक प्रवासी जखमी झाले. या सर्व प्रवाशांना भाभा रुग्णालयात उपचारासाठी दाखल करण्यात आले आहे.
सणासुदीच्या काळात भारतीय रेल्वेत गर्दी असणे सामान्य आहे. अशा स्थितीत अनेकदा अपघात होण्याची शक्यता असते. दिवाळीनिमित्त मुंबईत नोकरी करणारे लोक मोठ्या संख्येने आपल्या घरी येतात. यातील बहुतांश लोक उत्तर प्रदेश आणि बिहारमधील आहेत. त्यामुळे गोरखपूरला जाणाऱ्या ट्रेनमध्ये चढण्यासाठी चेंगराचेंगरी झाली, त्यात अनेक जण जखमी झाले.स्थानकात प्रचंड गर्दी असल्याने सर्वसाधारण बोगीत चढण्यासाठी चेंगराचेंगरी झाली
Edited By - Priya Dixit
