संबंधित माहिती
- सुप्रिया सुळे म्हणतात आम्ही सर्व कुटुंब या लढ्यामध्ये एकत्र आहोत
- संजय राऊत यांना आज अटक होण्याची शक्यता- उद्धव ठाकरे
- रात्रीच्या अंधारात बापानेच 3 वर्षाच्या मुलाला खड्ड्यात पुरलं
- BMC निवडणूक नवे टार्गेट, शिंदे-फडणवीस मिशन मोडमध्ये; उद्धव यांच्यासमोर दुहेरी आव्हान
- मुंबई विद्यापीठाच्या वसतीगृहाला सावरकरांचे नाव
महाराष्ट्रात 1400 कोटी रुपयांचे मेफेड्रोन जप्त, रेव्ह पार्ट्यांमध्ये हे अवैध ड्रग वापरले जाते
मुंबई पोलिसांनी पालघर जिल्ह्यातील नालासोपारा येथे एका ड्रग्ज उत्पादन युनिटवर छापा टाकून 1,400 कोटी रुपयांचे 700 किलो पेक्षा जास्त 'मेफेड्रोन' जप्त केले असून या संदर्भात 5 जणांना अटक केली आहे. मेफेड्रोनला म्याऊ म्याऊ किंवा एमडी असेही म्हणतात. रेव्ह आणि पूल पार्ट्यांमध्ये हे बेकायदेशीर औषध सर्रास वापरले जाते.
मुंबई क्राइम ब्रँचच्या अमली पदार्थ विरोधी सेलने (ANC) या युनिटवर छापा टाकला, अशी माहिती एका अधिकाऱ्याने गुरुवारी दिली. विशिष्ट माहितीच्या आधारे ही कारवाई करण्यात आली. एएनसीच्या पथकाने या परिसरात छापा टाकला आणि त्यादरम्यान तेथे बंदी घातलेले औषध 'मेफेड्रोन' तयार होत असल्याचे समोर आले.
अधिकाऱ्याने दिलेल्या माहितीनुसार, मुंबईतून 4 आरोपींना अटक करण्यात आली आहे, तर नालासोपारा येथून एका व्यक्तीला अटक करण्यात आली आहे. शहर पोलिसांनी अलीकडच्या काळात पकडलेली ही सर्वात मोठी अंमली पदार्थ असल्याचे त्यांनी सांगितले.
