गुरूवार, 14 ऑगस्ट 2025
  1. मराठी बातम्या
  2. महाराष्ट्र न्यूज
  3. मुंबई
Written By
Last Modified: सोमवार, 8 नोव्हेंबर 2021 (08:36 IST)

मुंबई जगातील 7 व्या क्रमांकाचे प्रदूषित शहर; जाणून घ्या टॉप 6 शहरांची नावे

Mumbai is the 7th most polluted city in the world; Find out the names of the top 6 citiesमुंबई जगातील 7 व्या क्रमांकाचे प्रदूषित शहर; जाणून घ्या टॉप 6 शहरांची नावे Maharashtra News Mumbai news  In Webdunia Marathi
मुंबई : दिवाळीतील रासायनिक फटाक्यांच्या आतषबाजीमुळे मुंबईतील प्रदूषणात (Mumbai Pollution) मोठी वाढ झाली आहे. मुंबईतील प्रदूषण चिंताजनक स्तरावर पोहचले आहे. जागतिक हवा गुणवत्ता निर्देशांकानुसार (Global air quality index) शुक्रवारी (दि.5) मुंबई जगातील 7 वे प्रदूषित शहर ठरले आहे. लक्ष्मी पुजनाच्या दुसऱ्या दिवशी मुंबईतील हवा गुणवत्ता निर्देशांक 169 नोंदवला गेला आहे. त्यानुसार मुंबई शहर (Mumbai City) हे जगातील 7 व्या क्रमांकाचे प्रदूषित शहर ठरले आहे.
 
पहिल्या क्रमांकावर 426 हवा गुणवत्ता निर्देशांकानुसार दिल्ली शहर (Delhi City) आहे. दिल्ली शहर सर्वाधिक प्रदूषित शहर ठरले आहे. कोलकाता (Kolkata) शहराचा देखील प्रदूषित शहरांच्या यादीत समावेश आहे. गुरुवारी मुंबईतील हवा गुणवत्ता निर्देशांक हा मध्यम म्हणजे 162 नोंदवला गेला. तर कुलाबा 290 आणि बीकेसी 290 हवेचा स्तर वाईट नोंदवला गेला होता. नवी मुंबई हवा गुणवत्ता निर्देशांक 118, अंधेरी 135, बोरिवली 142, चेंबूर 162 सह मध्यम तर वरळी येथे हाच निर्देशांक 95 सह समाधान कारक नोंदवला गेला. मात्र मुंबईत शनिवारी पुन्हा एकदा प्रदूषणाची (Global Air Quality Index) पातळी वाढली आहे.
 
जागतिक हवा गुणवत्ता निर्देशांक (5 नोव्हेंबर)
 
मुख्य शहर          देश                  एक्यूआय (AQI)
 
दिल्ली                भारत                 426
लाहोर                 पाकिस्तान         246
बीजिंग                चायना               212
बुशकेक               कर्गिस्तान         188
कराची                 पाकिस्तान        182
शिन्यांग              चायना               171
मुंबई                    भारत                169