संबंधित माहिती
- Moradabad : मुरादाबादमध्ये भाजप नेते अनुज चौधरी यांची गोळ्या झाडून हत्या
- बांगलादेशी तरुणीने प्रेमासाठी भारतातील तरुणाला सोबत नेले, पुढे हे घडलं
- 25 वर्षीय फॅशन डिझायनरचा मृतदेह पंख्याला लटकलेल्या अवस्थेत आढळला, शेवटचा हा Video केला शेअर
- Liquor from Handpump हातपंपातून निघाली दारु Video Viral
- Passenger train ओडिशामध्ये म्हशीला धडकल्यानंतर पॅसेंजर ट्रेन रुळावरून घसरली
12th Pass Doctor बारावी पास तरुण झाला डॉक्टर
12th Pass Doctor आरोग्य विभागाच्या अधिकार्यांकडून झोलाछापांवर कारवाई सुरू आहे. मंगळवारी डेप्युटी सीएमओ डॉ. संजीव बेलवाल एका तक्रारीची पाहणी करण्यासाठी बिलारी पोलिस स्टेशन हद्दीतील बाजार टाऊनमधील नाथ क्लिनिकमध्ये पोहोचले. तेथे 12वी पास चंद्रभान (30) हा क्लिनिक चालवताना आढळून आला. त्यांच्याकडूनच रुग्णांना औषधे लिहून दिली जात होती.
तक्रारीच्या आधारे मुरादाबादच्या सीएमओने बिलारी येथील रुग्णालयाची तपासणी केली. रुग्णावर उपचार करणाऱ्या व्यक्तीकडे कोणतीही पदवी नसल्याचे समोर आले. याशिवाय रुग्णालय चालवण्याचा कोणताही परवाना घेतलेला नाही.
कडक चौकशी केली असता त्यांनी सांगितले की, क्लिनिकचे संचालक डॉ. महावीर असून ते आजारपणामुळे गेल्या 20 दिवसांपासून दिल्लीत दाखल आहेत. त्याच्या अनुपस्थितीत चंद्रभान क्लिनिकमध्ये रुग्णांवर उपचार करत होता. क्लिनिकची नोंदणी सीएमओ कार्यालयात आढळून आली नाही.
रुग्णांना दिल्या जाणाऱ्या औषधांवर एक्सपायरी डेट नव्हती. डेप्युटी सीएमओ आणि त्यांच्या पथकाने घटनास्थळावरून सहा प्रकारची इंजेक्शन्स जप्त केली. त्यांनी सांगितले की क्लिनिकमध्ये प्रशिक्षित डॉक्टर किंवा पॅरामेडिकल कर्मचारी उपस्थित नव्हते.
जैव-वैद्यकीय कचऱ्याची विल्हेवाट लावण्यासाठी कोणतीही व्यवस्था नव्हती आणि अग्निशमन उपकरणे नव्हती. डेप्युटी सीएमओ डॉ. बेलवाल म्हणाले की, नाव व एक्सपायरी डेट न देता लिहून दिलेली औषधे देऊन रुग्णांच्या जिवाशी खेळ करत आहेत. त्याच्याविरुद्ध बिलारी पोलिस ठाण्यात तक्रार दाखल करण्यात आली आहे.
