केरळमधील त्रिशूर येथील फटाक्यांच्या कारखान्यात भीषण स्फोट, १३ जणांचा दुर्दैवी मृत्यू
केरळमधील त्रिशूर येथील फटाक्यांच्या कारखान्यात झालेल्या भीषण स्फोटात १३ जणांचा मृत्यू झाला असून अनेक जण जखमी झाले आहे. बचाव पथकाने घटनास्थळावरून अनेकांना वाचवले असून, जखमींवर सध्या रुग्णालयात उपचार सुरू आहे.
केरळमधील त्रिशूर जिल्ह्यातील फटाक्यांच्या कारखान्यात झालेल्या भीषण स्फोटात १३ जणांचा मृत्यू झाला असून अनेक जण जखमी झाले आहे. थिरुवांबडी ग्रुप थ्रिसूर पूरमसाठी फटाक्यांचे साहित्य तयार करत असताना हा अपघात झाला. स्फोट इतका शक्तिशाली होता की त्याचा आवाज अनेक किलोमीटर दूरपर्यंत ऐकू आला आणि परिसरातील रहिवाशांना सुरुवातीला तो भूकंप वाटला. या घटनेनंतर, आग आणि दाट धूर संपूर्ण परिसरात पसरल्याने मदत आणि बचाव कार्यात अडथळा निर्माण झाला.
अपघाताची माहिती मिळताच पोलीस, अग्निशमन दल, बचाव पथके आणि रुग्णवाहिका घटनास्थळी दाखल झाल्या. जखमींना तात्काळ त्रिशूर येथील शासकीय वैद्यकीय महाविद्यालय रुग्णालय आणि इतर जवळच्या रुग्णालयांमध्ये दाखल करण्यात आले. पंतप्रधानांनी अपघातावर दुःख व्यक्त केले, नुकसान भरपाईची घोषणा केली.
