जामीन मिळाल्यानंतर अरविंद केजरीवाल दुपारी 12 वाजता हनुमान मंदिरात जाणार
दिल्लीचे मुख्यमंत्री अरविंद केजरीवाल शुक्रवारी जामिनावर तुरुंगातून बाहेर आले. तसेच सर्वोच्च न्यायालयाने त्यांना जामीन मंजूर केला आहे. मिळालेल्या माहितीनुसार तुरुंगातून सुटल्यानंतर मुख्यमंत्री केजरीवाल आज दुपारी 12वाजता दिल्लीतील कॅनॉट प्लेस येथील संकटमोचन हनुमान मंदिराला भेट देणार आहे. व त्यांच्यासाठी हे विशेष महत्त्वाचे आहे.
मिळालेल्या माहितीनुसार सीएम केजरीवाल यांनी तिहार तुरुंगातून सुटका झाल्यानंतर आपल्या पहिल्या टिप्पणीत देशाला कमकुवत करण्याचा प्रयत्न करणाऱ्या देशविरोधी शक्तींविरुद्ध लढा सुरूच ठेवणार असल्याचे सांगितले. तसेच तुरुंगात घालवलेल्या वेळेमुळे त्यांचे धैर्य आणखी वाढले आहे, असेही ते म्हणाले.
सर्वोच्च न्यायालयाकडून जामीन मंजूर-
आबाकारी धोरण घोटाळा प्रकरणात सर्वोच्च न्यायालयाने जामीन मंजूर केल्यानंतर काही तासांतच अरविंद केजरीवाल यांची शुक्रवारी संध्याकाळी तिहार तुरुंगातून सुटका करण्यात आली. तसेच तुरुंगातून बाहेर येताच आम आदमी पक्षाच्या नेत्यांनी आणि समर्थकांनी त्यांचे जोरदार स्वागत केले.
