एअर इंडियाची अहमदाबाद-लंडन विमानसेवा तांत्रिक बिघाडामुळे रद्द
12 जून रोजी अहमदाबादच्या सरदार वल्लभभाई आंतरराष्ट्रीय विमानतळावरून लंडनच्या गॅटविक विमानतळासाठी उड्डाण करणारे एअर इंडियाचे विमान AI-171 उड्डाणानंतर काही सेकंदातच बीजे मेडिकल कॉलेजच्या वसतिगृहाच्या इमारतीवर कोसळले, अशा वेळी विमान सेवा रद्द करण्यात आली आहे.
अपघातग्रस्त एअर इंडियाच्या विमानात 230 प्रवासी, 10 केबिन क्रू सदस्य आणि दोन पायलट असे 242 लोक होते. ब्रिटिश नागरिक विश्वास कुमार रमेश वगळता सर्वांचा मृत्यू झाला.आज 17 जून रोजी अपघातांनंतर प्रथमच एअर इंडियाचे अहमदाबादहून लंडनला जाणारे विमान तांत्रिक कारणास्तव रद्द करण्यात आले आहे.
मिळालेल्या माहितीनुसार, एअर इंडियाचे बोइंग 787-8 ड्रीमलाइनर विमान AI-159 दुपारी 1:10 वाजता अहमदाबादहून लंडनला जाणार ते. लंडनला पोहोचण्याची वेळ संध्याकाळी 6.25 सांगण्यात आली होती.
यापूर्वी, मंगळवारी सॅन फ्रान्सिस्कोहून मुंबईला जाणाऱ्या एअर इंडियाच्या विमानाच्या एका इंजिनमध्ये तांत्रिक बिघाड झाला होता. त्यामुळे कोलकाता विमानतळावर विमानाच्या नियोजित थांब्यादरम्यान प्रवाशांना उतरावे लागले.
फ्लाइट AI180 वेळेवर (रात्री 12.45 वाजता) विमानतळावर पोहोचली, परंतु डाव्या इंजिनमध्ये तांत्रिक बिघाड झाल्यामुळे उड्डाणाला उशीर झाला. सकाळी 5.20 वाजताच्या सुमारास सर्व प्रवाशांना विमानातून उतरण्यास सांगण्यात आले. विमानाच्या कॅप्टनने प्रवाशांना सांगितले की उड्डाण सुरक्षेसाठी हा निर्णय घेण्यात आला आहे.
Edited By - Priya Dixit
