शुक्रवार, 30 सप्टेंबर 2022
  1. मराठी बातम्या
  2. महाराष्ट्र न्यूज
  3. राष्ट्रीय
Written By
Last Modified सोमवार, 1 फेब्रुवारी 2021 (11:49 IST)

आज (1फेब्रुवारी)पासून अंतिम वर्षाच्या विद्यार्थ्यांसाठी दिल्ली युनिव्हर्सिटी सुरू होणार असून, कर्मचारीही महाविद्यालयात दाखल होतील

दिल्ली विद्यापीठाने रविवारी जाहीर केले की 1 फेब्रुवारीपासून सर्व कॉलेजांना अंतिम वर्षाच्या (Final Year) विद्यार्थ्यांना प्रवेश देण्यात येणार आहे. तसेच सर्व कर्मचारीही महाविद्यालयात येऊ शकतील. विद्यापीठाच्या विभाग प्रमुख व महाविद्यालयांच्या प्राध्यापकांच्या बैठकीनंतर हा निर्णय घेण्यात आला आहे. डीयूने एका अधिसूचनेत म्हटले आहे की, "केवळ तृतीय वर्षाच्या विद्यार्थ्यांना प्रयोगशाळेसाठी, प्रॅक्टिकल कामे, कौशल्य, ग्रंथालयांसाठी त्यांच्या महाविद्यालय, केंद्र किंवा विभाग प्रमुख, संचालक किंवा प्रमुख यांच्या सूचनेनुसार छोट्या गटात येण्याची परवानगी असेल." यावेळी यूजीसी मार्गदर्शक तत्त्वे आणि मानक ऑपरेटिंग प्रक्रियेचे अनुसरणं करणे आवश्यक आहे. ''
 
विद्यापीठाने म्हटले आहे की प्रभारी किंवा युनिट चीफ कर्मचार्‍यांचे कामकाजाचे तास बदलू शकते जेणेकरून प्रवेश आणि एक्झिट गेट्सवरील भीड रोखता येईल. डीयू म्हणाले, "सकाळी 9 ते 5.30 आणि सकाळी 9:30 ते संध्याकाळी 6 या वेळेत काम करण्यासाठी कर्मचार्यांना बोलविले जाऊ शकते."
 
दिल्लीचे उपमुख्यमंत्री मनीष सिसोदिया यांनी शुक्रवारी सांगितले की, राष्ट्रीय राजधानीत इयत्ता नववी आणि अकरावीच्या विद्यार्थ्यांसाठी 5 फेब्रुवारीपासून सर्व शाळा सुरू केल्या जातील. याव्यतिरिक्त, महाविद्यालय आणि डिग्री डिप्लोमा संस्था देखील उघडल्या जातील. ते म्हणाले की परिस्थिती तिच राहील, ज्याची घोषणा 18 जानेवारी रोजी दहावी आणि बारावीच्या विद्यार्थ्यांसाठी शाळा सुरू करताना करण्यात आली होती.