Kerala Accident : स्कूलबस- रिक्षाचा भीषण अपघात, पाच जणांचा मृत्यू
Kerala Accident : केरळमधील कासारगोड जिल्ह्यात सोमवारी संध्याकाळी स्कूल बस आणि ऑटोरिक्षामध्ये धडक झाली. शाळेतील मुलांना बस सोडून येत असताना हा अपघात झाला. या अपघातात चार महिलांसह पाच जणांचा मृत्यू झाला. अपघातानंतर चार जणांचा जागीच मृत्यू झाला, तर ऑटोचालकाचा रुग्णालयात नेत असताना मृत्यू झाल्याचे पोलिसांनी सांगितले.
हा अपघात कासारगोडतील बड्याडका पोलीस ठाण्याच्या हद्दीत पल्लथातुक्का येथे ही घटना घडली. स्थानिक पोलीस अधिकाऱ्याने सांगितले की, प्राथमिक तपासानुसार बस वेगात होती आणि चुकीच्या दिशेने येत होती, ज्यामुळे हा अपघात झाला. पोलिसांनी सांगितले की, सायंकाळी 5.30 च्या सुमारास बस शाळकरी मुलांना सोडल्यानंतर परतत असताना हा अपघात झाला. अपघाताच्या वेळी बसमध्ये शाळकरी मुले प्रवास करत नव्हती.
या अपघातात बस आणि रिक्षेचे नुकसान झाले. बस चालकाला ताब्यात घेण्यात आले असून लवकरच एफआयआर दाखल करण्यात येईल. स्थानिक लोकांनी प्रसारमाध्यमांना सांगितले की, अपघातानंतर रुग्णवाहिका बोलविण्यात आली होती, मात्र घटनास्थळी पोहोचण्यास बराच वेळ लागला.
याआधीही या परिसरात अपघात घडले आहेत, मात्र अशा प्रकारचा भीषण अपघात होण्याची ही पहिलीच वेळ नाही, असेही ते म्हणाले. चारही मृत महिला एकाच कुटुंबातील असल्याचे त्यांनी सांगितले.
राज्याचे मुख्यमंत्री पिनराई विजयन यांनीही या घटनेतील मृत्यूबद्दल शोक व्यक्त केला आहे.
Edited by - Priya Dixit
