'त्यांचा गुन्हा काय आहे', अमेरिकेतून परत पाठवलेल्या भारतीय स्थलांतरितांच्या मुद्द्यावर भडकले काँग्रेस खासदार
Congress MP Manish Tewari News: अमेरिकेतून 104 बेकायदेशीर भारतीय स्थलांतरितांना घेऊन जाणारे अमेरिकन लष्करी विमान बुधवारी अमृतसरमध्ये उतरले. डोनाल्ड ट्रम्प प्रशासनाने बेकायदेशीर स्थलांतरितांविरुद्धच्या कारवाईचा भाग म्हणून भारतीयांना हद्दपार करण्याचा हा पहिलाच प्रयत्न आहे.
मिळालेल्या माहितीनुसार अमेरिकन सरकारने बेकायदेशीर भारतीय स्थलांतरितांना हद्दपारीसाठी हातकड्या लावल्याबद्दल काँग्रेस खासदार मनीष तिवारी यांनी गुरुवारी दुःख व्यक्त केले. यासोबतच त्यांनी ही घटना अत्यंत अमानवी असल्याचे म्हटले. विविध राज्यांमधून 104 बेकायदेशीर स्थलांतरितांना घेऊन जाणारे अमेरिकन लष्करी विमान बुधवारी अमृतसरला पोहोचले. डोनाल्ड ट्रम्प सरकारने बेकायदेशीर स्थलांतरितांविरुद्धच्या कारवाईचा भाग म्हणून हद्दपार केलेल्या भारतीयांची ही पहिली तुकडी होती. यापैकी हरियाणा आणि गुजरातमधील प्रत्येकी 33, पंजाबमधील 30, महाराष्ट्र आणि उत्तर प्रदेशमधील प्रत्येकी तीन आणि चंदीगडमधील दोन होते.
तसेच काँग्रेसचे ज्येष्ठ नेते आणि चंदीगडचे खासदार तिवारी म्हणाले की, लोकांना यापूर्वीही हद्दपार करण्यात आले आहे, परंतु त्यांना हातकड्या आणि बेड्यांमध्ये ठेवणे, या लोकांचा गुन्हा काय आहे. काँग्रेस खासदाराने विचारले की त्यांचा गुन्हा काय आहे? ते चांगल्या जीवनाच्या शोधात निघाले. त्यांनी ते बेकायदेशीरपणे केले, पण त्यामुळे त्यांना गुन्हेगार ठरवता येत नाही की त्यांचे हातपाय बांधले जावेत आणि त्यांना प्राण्यांपेक्षाही वाईट वागणूक दिली जावी. या मुद्द्यावर केंद्राला प्रश्न विचारताना मनीष तिवारी म्हणाले की, जर पंतप्रधान कार्यालय आणि परराष्ट्र मंत्री एस जयशंकर हे आपल्या देशातील लोकांना अत्यंत अपमानास्पद आणि अमानुष वागणूक दिली जाणार नाही याची खात्री करू शकत नाहीत, तर डोनाल्ड ट्रम्प यांच्यासोबतच्या त्या सर्व शिखर परिषदांचा अर्थ काय? असा प्रश्न तिवारी यांनी उपस्थित केला आहे. अमेरिकेने ही कारवाई पंतप्रधान नरेंद्र मोदी यांच्या राष्ट्राध्यक्ष डोनाल्ड ट्रम्प यांच्याशी व्यापक चर्चेसाठी वॉशिंग्टन भेटीच्या काही दिवस आधी केली. असे देखील तिवारी म्हणालेत.
Edited By- Dhanashri Naik
