श्रीनगरमधील नौगाम पोलिस ठाण्यात भीषण स्फोट, सहा जणांचा मृत्यू, 27 जण जखमी

शुक्रवारी रात्री 11:30 वाजता श्रीनगरमधील नौगाम पोलिस ठाण्यात झालेल्या भीषण स्फोटात सहा जणांचा मृत्यू झाला आणि 27 जण जखमी झाले. डझनभराहून अधिक वाहनांना आग लागली. या स्फोटात जवळपासच्या घरांचेही मोठे नुकसान झाले आणि खिडक्यांच्या काचा फुटल्या. स्फोट इतका जोरदार होता की त्याचा आवाज केवळ नौगाममध्येच नाही तर चानपोरा, सनतनगर, रावलपोरा आणि पंथा चौक परिसरातही ऐकू आला. जखमींना रुग्णालयात दाखल करण्यात आले आहे.

फरीदाबादमध्ये जप्त केलेल्या स्फोटक पदार्थांचे नमुने घेतले जात असताना हा स्फोट झाल्याचे वृत्त आहे, परंतु अधिकृतपणे याची पुष्टी झालेली नाही. जप्त केलेले स्फोटक अमोनियम नायट्रेट होते. या घटनेत अनेक लोक जखमी झाले आहेत आणि त्यांना उपचारासाठी उजाला सिग्नस, एसएमएचएस आणि ९२ बेस हॉस्पिटलमध्ये हलविण्यात आले आहे. जखमींवर सध्या या हॉस्पिटलमध्ये उपचार सुरू आहेत.

प्रत्यक्षदर्शींनी सांगितले की, स्फोटानंतर प्रचंड आग लागली होती, ज्वाळा दूरवरून दिसत होत्या. पोलिस स्टेशन आणि आजूबाजूच्या इमारतींच्या खिडक्या फुटल्या. आगीवर नियंत्रण मिळविण्यासाठी अग्निशमन दलाच्या गाड्या घटनास्थळी पोहोचल्या. घबराटीचे वातावरण होते. स्फोटस्थळी कोणालाही जाण्याची परवानगी नव्हती. एका प्रत्यक्षदर्शीने दोन मृतदेह पाहिल्याचे सांगितले. स्फोटानंतर लगेचच पोलिसांनी घटनास्थळाकडे जाणारे सर्व रस्ते बंद केले, कोणालाही आत जाण्यापासून रोखले. घटनास्थळ सील करण्यात आले आहे.

Edited By - Priya Dixit