संबंधित माहिती
- भारतीय रेल्वेने आज आंतरराष्ट्रीय महिला दिना निमित्त वंदे भारत ट्रेनची कमान महिलांकडे सोपवली क्रू मेंबर्समध्ये फक्त महिलांचा समावेश
- देशभरातील महिलांना पंतप्रधानांनी महिला दिनाच्या शुभेच्छा दिल्या, आज ३ हजार महिला पोलिस मोदींना सुरक्षा देतील
- पंतप्रधान नरेंद्र मोदी आजपासून तीन दिवसांच्या गुजरात दौऱ्यावर
- माजी आरबीआय गव्हर्नर शक्तीकांत दास यांची पंतप्रधान नरेंद्र मोदी यांचे प्रधान सचिव-२ म्हणून नियुक्ती
- पंतप्रधान नरेंद्र मोदी पुढील महिन्यात मॉरिशसला भेट देणार
PM मोदी मॉरिशसच्या दौऱ्यावर
Prime Minister Narendra Modi's visit to Mauritius : पंतप्रधान नरेंद्र मोदी दोन दिवसांच्या मॉरिशस दौऱ्यावर पोहोचले आहे. सर शिवूसागुर रामगुलाम आंतरराष्ट्रीय विमानतळावर पंतप्रधान मोदींचे भव्य स्वागत करण्यात आले.
मिळालेल्या माहितीनुसार मॉरिशसचे पंतप्रधान नवीनचंद्र रामगुलाम यांनी पंतप्रधान नरेंद्र मोदी यांचे फुलांचा हार घालून स्वागत केले. पंतप्रधान मोदी १२ मार्च रोजी मॉरिशसच्या राष्ट्रीय दिनाच्या समारंभात प्रमुख पाहुणे म्हणून उपस्थित राहतील. तसेच या समारंभात भारतीय नौदलाच्या जहाजासह भारतीय संरक्षण दलांचा एक तुकडा देखील सहभागी होईल. मॉरिशसमध्ये पंतप्रधान मोदींचे खास स्वागत करण्यात आले. मॉरिशसचे पंतप्रधान नवीनचंद्र रामगुलाम त्यांच्या संपूर्ण मंत्रिमंडळासह पंतप्रधान मोदींचे स्वागत करण्यासाठी विमानतळावर पोहोचले. यावेळी त्यांनी प्रथम पंतप्रधान मोदींना मिठी मारली आणि नंतर त्यांना फुलांचा हार घातला. यानंतर पंतप्रधान मोदींना गार्ड ऑफ ऑनर देण्यात आला.
तसेच हॉटेलमध्ये पोहोचल्यानंतर पंतप्रधान मोदींचे बिहारी परंपरेने स्वागत करण्यात आले. पंतप्रधान मोदींचे स्वागत पारंपारिक भोजपुरी संगीत मैफिलीने, गीत गवईने करण्यात आले. पंतप्रधान मोदींनी सोशल मीडिया प्लॅटफॉर्म 'एक्स' वर पोस्टमध्ये म्हटले आहे की, "मी मॉरिशसला पोहोचलो आहे. विमानतळावर माझे विशेष स्वागत करणाऱ्या माझे मित्र पंतप्रधान डॉ. नवीनचंद्र रामगुलाम यांचे मी आभारी आहे. ही भेट एका मौल्यवान मित्राला भेटण्याची आणि विविध क्षेत्रात सहकार्याचे नवीन मार्ग शोधण्याची एक उत्तम संधी आहे." "आज मी राष्ट्रपती धरम गोखूल, पंतप्रधान नवीनचंद्र रामगुलाम यांना भेटेन आणि संध्याकाळी एका सामुदायिक कार्यक्रमाला संबोधित करेन," असे त्यांनी पोस्टमध्ये म्हटले आहे.
Edited By- Dhanashri Naik
