संबंधित माहिती
- Train Accident :धावत्या ट्रेनमधून खाली पडला मुलगा, व्हिडीओ वायरल
- VIDEO दोन ट्रेनची समोरासमोर धडक, 26 ठार, 85 जखमी
- Odisha Train Accident: ओडिशात मालगाडीचे डबे रुळावरून घसरून रेल्वे स्थानकावर आदळले दोघांचा मृत्यू
- Shocking Video ट्रेनच्या दाराला लटकलेला तरुण उडाला Mumbai Local Train Accident
- तेलंगणा : बॅडमिंटन खेळताना तरुणाचा हार्ट अटॅकने मृत्यू
Odisha: बालासोरमध्ये मोठा रेल्वे अपघात, कोरोमंडल एक्सप्रेस रुळावरून घसरली, 30 प्रवासी ठार
ओडिशातील बालासोर येथे शुक्रवारी संध्याकाळी मोठा रेल्वे अपघात झाला. मालगाडीला धडकल्यानंतर कोरोमंडल एक्स्प्रेसचे चार डबे रुळावरून घसरले. मिळालेल्या माहितीनुसार, या अपघातात अनेक प्रवासी जखमी झाल्याचे वृत्त आहे. सध्या जखमींना रुग्णालयात दाखल करण्यात येत आहे. यासोबतच मदत आणि बचावकार्यही सुरू आहे. ताज्या माहितीनुसार, या रेल्वे अपघातात किमान 30 जणांचा मृत्यू झाला आहे, तर 170 हून अधिक जण जखमी असल्याचे सांगण्यात येत आहे. पंतप्रधान नरेंद्र मोदी यांनी या दुर्घटनेवर शोक व्यक्त केला असून जखमींच्या लवकरात लवकर बरे होण्यासाठी शुभेच्छा दिल्या आहेत. या संदर्भात रेल्वेमंत्री अश्विनी वैष्णव यांच्याशी बोलल्याचे पंतप्रधानांनी सांगितले आहे .
कोरोमंडल एक्स्प्रेस कोलकाताजवळील शालीमार स्थानकावरून चेन्नई सेंट्रलला जात असताना बहंगा बाजार स्थानकावर सायंकाळी 7.20 वाजता हा अपघात झाला. दक्षिण पूर्व रेल्वेच्या एका अधिकाऱ्याने सांगितले की, अपघाती मदत गाड्या अपघातस्थळी रवाना करण्यात आल्या आहेत. दरम्यान, राज्य सरकारने ओडिशा डिझास्टर रॅपिड अॅक्शन फोर्स (ODRAF) ला बचाव कार्यात मदत करण्याचे निर्देश दिले आहेत.
Edited by - Priya Dixit
